Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama status të gjatë në Facebook, asnjë fjalë për tubimin e Metës

Politiko 2 Mars 2020, 19:56

Rama status të gjatë në Facebook, asnjë fjalë për

Kryeministri Edi Rama ka publikuar në Facebook një status ku flet për konkluzionin e Raportit të Progresit, që u publikua sot nga Komisioni Europian, ku rekomandohej hapja e negociatave të Shqipërisë.

Statusin e ka hedhur pak pas zhvillimit të tubimit të presidentit Meta që u mbyll pak më parë, për të cilin nuk ka dhënë asnjë koment.

Edhe në një reagim për mediat, Rama u tha gazetarëve se nuk ka asgjë të re, lidhur me tubimin e presidentit. Po ashtu ai përsëriti se raporti i sotëm pozitiv i Brukselit duhej të gëzonte një President, por shton se i pret shpërthimet nga Ilir Meta.

"Sot del një raport në Bruksel që normalisht duhet ta gëzonte një President të Republikës por që ta hidhëronte në pikën që të rishpërthejë para të gjithëve ëshë për të qarë. Për mua është diçka e pritur dhe jo befasuese", tha Rama për mediat.

Ndërsa në Facebook, shkroi:

“NËN DRITËN E PROGRESIT DOMETHËNËS DHE TË FAKTIT SE KUSHTET E VENDOSURA UNANIMISHT NGA KËSHILLI EUROPIAN NË QERSHOR 2018 U PLOTËSUAN, KOMISIONI I REKOMANDOI KËSHILLIT EUROPIAN NË PAKETËN E ZGJERIMIT 2019, HAPJEN E NEGOCIATAVE PËR ANËTARËSIM ME SHQIPËRINË. NË TËRËSI, SHQIPËRIA KA SHTUAR PËRPJEKJET DHE KA ARRITUR REZULTATE TË MËTEJSHME E TË QËNDRUESHME NË FUSHAT KYÇE TË IDENTIFIKUARA NË KONKLUZIONET E KËSHILLIT NË QERSHOR 2018. SI RRJEDHOJË, BAZAT E REKOMANDIMIT TË KOMISIONIT NË 2019 PËR TË HAPUR NEGOCIATAT ME SHQIPËRINË MBETEN NË FUQI.

Pra, Komisioni i Ri Europian, jo vetëm rekomandon hapjen e negociatave me Shqipërinë, por rikonfirmon duke e përforcuar, rekomandimin e Komisionit paraardhës, vitin e shkuar! Kjo do të thotë se Shqipëria i kishte kryer dhe ka vazhduar t’i kryejë me sukses detyrat e shtëpisë për hapjen e negociatave.

A i hap apo nuk i hap Këshilli Europian negociatat paskëtaj, kjo është POLITIKË dhe u takon vendeve anëtare të vendosin, jo Shqipërisë!

A e gjejnë apo nuk e gjejnë vendet anëtare konsensusin e nevojshëm për t’i dhënë Shqipërisë ATË QË I TAKON, kjo varet nga sa arrinë ato të harmonizojnë interesat e përveçme me interesin e përgjithshëm!

Hapen nuk hapen negociatat në mars, në qershor, në tetor apo në dhjetor, të këtij a të vitit tjetër apo të tjetrit pas tjetrit, kjo nuk është në dorën tonë po në duart e 27 vendeve anëtare të BE-së! NË DORËN TONË ËSHTË TË BËJMË ME SUKSES DETYRAT E SHTËPISË, JO PËR HATËR TË TYRE PO PËR SHQIPËRINË EUROPIANE QË DUAM PËR FËMIJËT TANË! Dhe a i kemi bërë apo jo detyrat, këtë ka vetëm një instancë që ka mandatin dhe objektivitetin për ta thënë: KOMISIONI EUROPIAN, I CILI SOT KA PUBLIKUAR KONKLUZIONIN BASHKËLIDHUR😊”, shkruan Rama në Facebook.