‘Rama u refuzua, refuzojeni’. PD kërkon largimin e kryeministrit me një videomesazh

Mos hapja e procesit të negociatave për Shqipërinë dhe Maqedoninë e Veriut ka qenë kryetemë e mediave shqiptare dhe atyre të huaja.

Partia Demokratike, sakaq ka bërë një përmbledhje të disa prej titujve të botuar në disa media për këtë çështje, shoqëruar me mbishkrimin “Rama dështoi, Rama ik”.

PD e konsideron kryeministrin si përgjegjësin kryesor për këtë vendim duke theksuar se ndodhi për shkak të keqqeverisjes, vjedhjes së zgjedhjeve, mosfunksioninit të drejtësisë dhe mbrojtjes së atyre që kanë vjedhur zgjedhjet. Për Partinë Demokratike, vendimi për të mos hapur negociatat është dështim personal i Edi Ramës, prandaj ai duhet të largohet.