Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Rama viziton familjen Lleshi pas tërmetit: Jam i ëmbël vetë, dua portokall
Kryeministri Edi Rama vizitoi familjen tetë anëtarëshe të Esat Lleshit në Kamzë, që humbi shtëpinë në tërmetin e 26 nëntorit. Aktualisht ata janë të strehuar në një shtëpi me qira që paguhet nga shteti, deri sa të përfundojë ndërtimi i banesave të reja, ose rindërtimi i shtëpisë së dëmtuar.
Teksa ka folur me familjarët, kryeministri Rama nuk i kurseu batutat edhe me fëmijët.
Njërit që i pëlqente piktura, Rama e këshilloi që të mos hiqte dorë, pasi sido që të vinte puna, do të kishte një zanat.
“Mos e ndaj pikturën. Do bëhesh bojaxhi si puna ime. E ke një zanat në xhep, sido që të vijë puna gjithmonë ka nevojë për bojaxhi. Se gjithmonë duhet bojaxhiu.”, i tha ai.
Ndërkohë që kreu i qeverisë refuzoi një ëmbëlsirë që e zonja e shtëpisë i ofroi
“Jam vetë i ëmbël, po marr këtë portokallen”, i tha.
E në largim e ripërsëriti këshillën për fëmijën: “Mos harro. Të gjithë këto shtëpi që do bëhen kanë nevojë për bojaxhi”, duke nënkuptuar se shpejt për ta do të ngrihet një banesë e re.
Rama shoqërohej edhe nga kryebashkiaku i Kamzës, Rakip Suli.