Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ramën apo Bashën? Rudina Hajdari tregon preferencën e saj për koalicion

Politiko 30 Shtator 2020, 10:01
Ramën apo Bashën? Rudina Hajdari tregon preferencën e saj

“Nisma”, do të jetë partia e re me të cilën Rudina Hajdari do të garojë në zgjedhjet parlamentare të 25 prillit. Deputetja tha se, megjithëse ligji i jep të drejtën për të regjistruar një forcë politike, do të ndiqet procedura e mbledhjes së firmave.

“Jemi në proces, jemi duke mbledhur firmat. Kemi qenë gati në të gjitha zonat e Tiranës, Gramsh, këtë javë do të shkojmë në Bajram Curr. Nuk do të shkojmë me 3 mijë firma, por me 10 mijë firma”, ka thënë Hajdari.

Znj. Hajdari tha se, partisë do t’i bashkohen njerëz të papërlyer ndërsa kryetari do të “zgjidhet” nga votuesit, pasi do të jetë emri do të marrë më shumë vota në zgjedhjet e ardhshme.

“E kemi quajtur ‘Nisma’ pasi është një iniciativë për të ndryshuar gjërat. ‘Nisma’ do të ketë njerëz të papërlyer, parimi që kemi vendosur është që nesër kur të shkojnë në zgjedhje, ai që do të votohet më shumë do të jetë kryetari i kësaj partie”, deklaroi Hajdari në një intervistë për Euronews Albania.

Ligjvënësja e Parlamentit nuk preferoi të fliste për pritshmërinë, duke thënë se nuk dëshirojnë të jenë si mazhoranca dhe opozita.

“Nuk di të flas për mandate në mënyrë konkrete sepse i shikoj të gjithë që bëjnë këto parashikimet që janë komplet jashtë çdo logjike. Mazhoranca duket e dorëzuar në çdo aspekt dhe është në fundin e saj thotë do marrim 74 mandate kurse opozita jashtë Parlamentit ka pritshmëri shumë të larta në një kohë kur ka bërë gabime fatale, pasi flet për 85 mandate”, tha Hajdari.

Ajo nuk përcaktoi një palë të preferuar në rast hipotetik për të formuar koalicion paszgjedhor, duke thënë se, palët nuk kanë ndonjë diferencë por mbetet për t’u parë se cili do të jetë rezultati.

“Kjo është një gjë për t’u parë, ne duam që të krijojmë një opozitë reale. Të gjitha palët janë njësoj, të bësh koalicion me Edi Ramën është njësoj po aq e keqe sa të bësh koalicion me Bashën”, përfundoi Hajdari.

Të fundit