Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rasti i Manjolës dhe Alesio Cakanit/ Duma: Makabritet! Përmbledh thelbin e jetës nën qeverisjen e Ramës

Politiko 3 Shtator 2020, 19:45

Rasti i Manjolës dhe Alesio Cakanit/ Duma: Makabritet! Përmbledh

Ish-deputetja e PD-së, Grida Duma ka reaguar ashpër për rastin e Manjola dhe Alesio Cakanit, dy të mbijetuarit e tërmetit të 26 nëntorit që humbën kryefamiljarin dhe vajzën, e cila akuzonte shtetin se e ka lënë në harresë.

Manjola Cakani gjatë një interviste për mediat tha se nuk mund të jetojë dot me foton e djalit të saj me Ronaldon, ku kryeministri duket se e ka çuar Alesion për takim me yllin portugez thjesht për propagandë. Gjithashtu ajo tha se shteti nuk i është dhënë akoma, koston prej 3.5 milion lekësh të shërbimeve funerale dhe e drekës mortore.

Ish-deputetja demokrate e quan një makrabitet që qeveria i llogarit pensionet e jetës si një paketë treshe apo katërshe viktimash.

Në një reagim në rrjetet sociale, Duma shkruan se historia e Manjola Cakonit dhe e të birit Alesios përmbledh fatkeqësisht thelbin e jetës së shqiptarëve nën qeverisjen e Ramës, duke shtuar më tej se nënë e bir, janë të qartë që jetën e familjarëve nuk ia ka marrë natyra por qeverisja.

Ajo shprehet se qeveria e kishte “në dorë” t’i shpëtonte por vendosi t’i lërë t’i zënë rrënojat, shqiptarë e fëmijë shqiptarësh, kishte detyrë t’i ndihmonte, por shpenzoi taksat e shqiptarëve për udhëtime dhe foto reklamash për Ramën.

Reagimi i plotë:

“Moj zonjë a desha unë të jetoj para fëmijës sim?! Jo! Zoti më la”.

Këto janë fjalët që vijojnë të të buçasin si çekan në mendje pasi dëgjon rrëfimin e një nëne që ka humbur vajzën e bashkëshortin nga tërmeti dhe një burokratuce administrate i thotë: “ti nuk e meriton pensionin, e kanë marrë ata që kanë tre viktima, ti ke vetëm dy viktima”.

Vetëm dy viktima! Vetëm dy!

Pra po thoshte, duhet të të kish vdekur dhe një i tretë që të përfitosh pension!

Pensioni i jetës sipas qeverisë qenka një paketë treshe apo katërshe viktimash.

Vdekje në paketë përkundrejt një pensioni!

Ky është cinizmi më i rëndë që mund të gjesh në çfarëdo lloj qeverisje. Përfiton pension nëse ke vdekje në paketë treshe.

Makabritet!

Çdo fjalë e kësaj gruaje që shfaqet e jashtëzakonshme në qëndrim dhe forcë, godet me mprehtësinë që ka tehu i një thike të mprehur pas shpine.

Nënë e bir, janë të qartë që jetën e familjarëve nuk ia ka marrë natyra por qeverisja.

Historia e Manjola Cakonit dhe e të birit Alesios, duhet dëgjuar e ridëgjuar sepse përmbledh fatkeqësisht thelbin e jetës së shqiptarëve nën qeverisjen e Ramës.

Tërmeti i Nëntorit i mori jetën babait dhe bijës 15 vjeçare, pasi në shtator godina kish marrë goditje të rënda dhe inspektorët megjithë verifikimit nuk i lajmëruan ata për rreziqet.

Qeveria i la banorët të jetonin po aty, pa asnjë paralajmërim.

Por nuk mbaron këtu; Rama i shfaqet “në derë”, që të bëjë një shfaqje me ta, në mes të mortit që u ra.

E merr Alesion e vogël, udhëton në Itali për të shkrepur fotot e takimit me futbollistë, Kronika bën bujën e show-t, ia servirin shqiptarëve, përfitojnë reklamën, e mënjëherë më pas… e harrojnë Alesion.

Fjalët Alesios sot, djalit 11 vjeçar që duhet të ishte ende fëmijë, dëshmojnë sa shumë e ka rritur atë fatkeqësia. Ai ftohtësisht qetë thotë: “Nuk ja u fal… ata nuk na thanë të mos banonim aty dhe humba babin e motrën. …Ishte bukur të takoje Ronaldon por unë doja më mirë një pension…. “

Kishin “në dorë” t’i shpëtonin por vendosën t’i lënë t’i zënë rrënojat, shqiptarë e fëmijë shqiptarësh. Kishin detyrë t’i ndihmonin, por shpenzuan taksat e shqiptarëve për udhëtime dhe foto reklamash për Ramën. E në fund u lanë një pu(su)llë si sllogan elektoral “ti s’do jesh vetëm”.

Manjola e familjarët paguan vetë edhe tarifën e varrimit. Manjola e familjarët u lanë të të prisnin në vetmi faturën e marketimit.

Prej orëve të paraditës së sotme , dëshmia e Manjolës dhe të birit vijon trondit shqiptarët.

Nga ai moment qeveria është fshehur! Nuk po gjen ende një strategji si ta mbulojë, si ta paketojë e ta varë në një çengel drejt opozitës këtë fakt makabër .

Qeveria fshihet, hesht sepse kjo është historia e pambulueshme e dhimbjes dhe fatkeqësisë të vërtetë të gjithë shqiptarëve që u qeverisën nga një paliaçadë reklamash, që nuk e ndaloi as respekti ndaj jetës e vdekjes.

Përgjegjësit e jetës së shqiptarëve duhet të ndëshkohen!

Ata nuk do të përgjigjen vetëm ndaj Manolës e Alesios, por ndaj jetës së seicilit që u degdis prej tyre.

Ata do duhet të përgjigjen shpejt, shumë shpejt përballë gjithë shqiptarëve.