Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Reagon Astrit Patozi: Arsyet se pse nuk e takova Hoyt Brian Yee

Politiko 15 Maj 2017, 14:14
Reagon Astrit Patozi: Arsyet se pse nuk e takova Hoyt Brian Yee

Deputeti demokrat, Astrit Patozi ka reaguar me një status në Facebook, duke dhënë edhe një përgjigje 'zyrtare' të mungesës së tij në 'tavolinën e bisedimeve' të zyrtarit amerikan me deputetët 'disidentë' të opozitës. "Vlerësoj angazhimin amerikan dhe shpresoj te zgjedhjet normale pasi nuk besoj 'te zgjidhje të lira e të ndershme', shkruan Patozi, duke e konsideruar 'skenarin më të keq të krizës' nëse opozita nuk merr pjesë në zgjedhje.

 Statusi i plotë i Patozit:

E kam shprehur në mënyrën e duhur falenderimin dhe vlerësimin tim, jo vetëm ndaj ftesës për t'u takuar me zotin Yee, por mbi të gjitha ndaj përpjekjes së tij dhe të administratës amerikane për t'i dhënë një zgjidhje in extremis krizës se pakuptimtë politike në Tiranë.

Për një arsye të fortë personale nuk do të jem i pranishëm në takim, por vijoj të inkurajoj çdo faktor politik ndërkombëtar dhe vendas, që mund t'i shërbejë ende kauzës së zgjedhjeve normale në Shqipëri. Se nuk ma nxë goja ta them atë termin "të lira e të ndershme", që më duket si versioni surrealist i ëndrrës shqiptare për demokraci perëndimore, kaq i largët me katandisjen tonë sot.

Ndonëse nuk i përkas racës së optimistëve futuristë, të cilët besojnë çdo përrallë që u shfaqet përpara, ende kam një shpresë të vakët se mund të gjendet prapëseprapë një shteg për të evituar dështimin e zgjedhjeve.

Sepse i qëndroj fort bindjes sime se mospjesmarrja e Partisë Demokratike në to është skenari më i keq i kësaj krize të pashembullt dhe të paprecedent.

Të fundit