Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Regjistrimet në ciklin e dytë të studimeve, procedurat që duhen ndjekur për të qenë pjesë e POLIS

Politiko 13 Shtator 2018, 18:10
Regjistrimet në ciklin e dytë të studimeve, procedurat që

Të gjithë ata që ende nuk e kanë të qartë ende për ciklin e dytë të studimeve, Universiteti POLIS iu vjen në ndihmë me shpjegimet e duhura se çfarë kriteresh ju nevojiten për të vazhduar “Master Shkencor” ose “Profesional” pranë këtij universiteti.  Afati për të aplikuar në Universitetin POLIS është deri me 19 tetor dhe më poshtë shpjegohet procedura që duhet të ndiqni.

Njoftimi i Universitetit POLIS:

Universiteti POLIS njofton të gjithë kandidatët të cilët duan të vazhdojnë studimet e ciklit të dytë "Master Shkencor" ose "Master Profesional", se aplikimet bëhen pranë sekretarisë mësimore deri në datën 19 tetor.

Kanë të drejtë të aplikojnë për programet e ciklit të dytë, kandidatët që:

  1. a) kanë përfunduar me sukses studimet dhe janë pajisur me diplomën përkatëse të vlefshme në Republikën e Shqipërisë, në një program të ciklit të parë, i cili rezulton i licensuar në momentin e regjistrimit të studentit dhe akredituar në momentin e diplomimit të studentit, ose

  2. b) janë diplomuar jashtë vendit në një program studimi të ciklit të parë, të licensuar dhe akredituar. Në rast pranimi kandidati është i detyruar të kryejë njësimin e diplomës pranë MASR/QSHA brenda muajit dhjetor 2018.

Kandidatët duhet të paraqiten personalisht ose nëpërmjet personit të autorizuar dhe të dorëzojnë dokumentacionin e mëposhtëm:

  1. Diplomë, ose fotokopje të saj të njësuar me origjinalin, të ciklit të parë të studimeve të përfunduar në Republikën e Shqipërisë. Diplomës së ciklit të parë të studimeve të përfunduar jashtë vendit, të shoqëruar me fotokopje të diplomës të njësuar me origjinalin, ose, në mungesë të saj, të një dokumenti tjetër zyrtar mbi bazën e të cilit është kryer njësimi në Republikën e Shqipërisë, të lëshuar në vendin ku ka kryer studimet, që i lejon regjistrimin dhe vazhdimin e studimeve universitare në vendin përkatës.

  2. Diplomën e Maturës Shtetërore së bashku me certifikatën e notave ose fotokopje të tyre të njësuar me origjinalin, e konfirmuar nga njësia përkatëse arsimore vendor e (DAR/ZA). Kandidatët që kanë përfunduar shkollën e mesme përpara hyrjes në fuqi të vendimit nr. 876, datë 3.11.2010 të Këshillit të Ministrave “Për disa ndryshime në Vendimin nr. 78, datë 8.2.2006 të Këshillit të Ministrave “Për krijimin e Maturës Shtetërore dhe pranimet në shkollat e larta publike ”, i ndryshuar, paraqesin Dëftesën e Pjekurisë (origjinal ose në rast fotokopjeje të saj, të njësuar me origjinalin, të konfirmuar nga njësia përkatëse arsimore vendore DAR/ZA).

Në qoftë se kandidatët nuk posedojnë dëftesë pjekurie të shkollës së mesme, duhet të paraqesin dublikatë të dëftesës së pjekurisë, të lëshuar nga drejtoria e shkollës së mesme ku ka përfunduar shkollën dhe të konfirmuar nga njësia përkatëse arsimore vendore (DAR/ZA), ose dokumentin e lëshuar nga Arkivi i Shtetit sè bashku me listën e notave;

  1. Formulari i aplikimit (sipas formatit të Shtojcës nr. 6, bashkëlidhur këtij Udhëzimi);

  2. Fotokopja e dokumentit tè identifìkimit (kartë identiteti, letërnjoftim ose pasaportè);

  3. Dy fotografi personale.

Dokumentacion shtesë vetëm për shtetasit e huaj:

  1. Dëshminë e njohjes së gjuhës shqipe, fituar në Fakultetin e Historisë dhe Filologjisë të Universitetit te Tiranës (për rastet kur regjistrohet në një program studimi që zhvillohet në gjuhën shqipe), si dhe të gjuhëve të tjera të njohura nga kandidati. Shtetasit e huaj që kanë kombësi shqiptare dhe kanë njohuri shumë të mira të gjuhës shqipe mund të sjellin çdo dokument nga vendi i origjinës që provon njohjen e gjuhës shqipe. Nga ky detyrim përjashtohen shtetasit e huaj që kanë përfunduar një cikël/program studimi në gjuhën shqipe në institucione të arsimit të lartë në Shqipëri. Shtetasit e huaj që aplikojnë në bazë të marrëveshjeve dypalëshe përjashtohen nga tarifat e shkollimit, në përputhje me marrëveshjet përkatëse.

  2. Curriculum Vitae;

  3. Deklaratën sipas Shtojcës nr. 5 të këtij udhëzimi.

  4. Dokumentacion shtesë vetëm për kandidatët e kategorive të veçanta:

  5. Kandidati me statusin e personit me aftësi të kufizuar duhet të dorëzojë dhe fotokopjen e noterizuar të librezës së lëshuar nga Shërbimi Social Shtetëror ose kopje të noterizuar të vendimit të Komisionit Mjekësor të Caktimit të Aftësisë për Punë (KMCAP).

  6. Kandidati me statusin e jetimit, duhet të dorëzojë dhe fotokopjen e noterizuar e dokumentit që certifikon statusin e jetimit të lëshuar nga Shërbimi Social Shtetëror.

  7. Kandidati nga komuniteti Rom dhe Ballkano-Egjiptian, duhet të dorëzojë dhe vetë-deklarim ose një dokument që vërteton që është Rom apo Ballkano-Egjiptian.

 

Për pyetje apo paqartësi jeni të lutur të na kontaktoni:

Cel: 0692374445

Tel: 042407420/042407421

e-mail: [email protected]

e-mail: [email protected]

Të fundit