Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Reja: Ndaj Turqisë duhet të jemi perfektë, dua të vazhdoj edhe dy vite

Politiko 12 Shtator 2019, 21:43

Reja: Ndaj Turqisë duhet të jemi perfektë, dua të vazhdoj

Trajneri Edi Reja ndihet më i qetë, pas suksesit që Shqipëria arriti ndaj Islandës (4-2). Trajneri italian beson se në fund të fazës kualifikuese Shqipëria do të bëjë mirë, por e bën të qartë se duhet punë e përkushtim. Reja ndihet mirë në stolin kuqezi dhe ka dëshirë që të qëndrojë të paktën edhe dy vite të tjera.

Një ndeshje, që skuadra duhet ta kalojë me sukses është kundër Turqisë në transfertë. Nga trajneri dhe lojtarët ajo shikohet si një kombëtare e vogël.

"Duhet të vazhdojmë në këtë mënyrë. Kemi gjetur disa siguri. Ndaj Turqisë duhet të jemi perfektë. Kemi bërë gabime të vogla dhe na kanë kushtuar gola. Në Turqi duhet të shkojmë me bindjen se jeni skuadër e fortë pasi Turqia ka lojtarë me cilësi dhe do të jetë i vështirë edhe ambienti që do jetë shumë i nxehtë. Por kemi lojtarë ekspertë dhe s’do e ndjejnë presionin e tifozëve. Sa i takon gabimeve, i kam nxjerrë të gjitha dhe kur të rikthehemi do ua tregoj lojtarëve dhe do stërvitemi t’i përmirësojmë. Por veçanërisht na duhet përqendrimi. Skuadra duhet të jetë gjithnjë e ekuilibruar pavarësisht rezultatit dhe nuk më pëlqejnë aksionet individuale. Duhet të futemi në fushë të luajmë si skuadër”, tha Reja për Tv Klan.

Italiani beson te kualifikimi, pasi matematika e lejon.

“Kemi humbur disa pikë, si me Turqinë dhe me Islandën. Me Turqinë duhet të ishte ndeshje direkte. Të mos flasim për Francën. Me të tjerat duhet të përballemi fort. Nuk është thënë ende fjala e fundit nga pikëpamja matematikore, dhe atë fije shprese do e mbajmë fort dhe do bëjmë gjithçka për t’ia dalë. Në ndeshjen e fundit ishte e vështirë, por bëmë 4 gola. Skuadra tregoi zemër dhe inteligjencë deri në fund”.

Reja tregon edhe dëshirën për të qëndruar.

"Unë dua të punoj sikur të jem shqiptar sepse kjo kombëtare meriton shumë. Duhet t’i shpërblejmë shqiptarët. Skuadra po punon mirë dhe lojtarët po e kuptojnë lojën dhe filozofinë. Mbi të gjitha edhe në stafin tim Bulku dhe Salihi janë shumë të rëndësishëm për mua sepse më kanë ndihmuar shumë. S’kam bërë kontrata të gjata. Nëse do jetë mundësia të vazhdoj dhe presidenti do jetë i kënaqur me punën dhe unë ndihem i vlerësuar, në nëntor do flasim dhe të shohim nëse do biem dakord, unë do të doja të vazhdoja edhe për dy vite të tjera sepse po shikoj shumë lojtarë të rinj nëpër Evropë që janë për perspektivën, sepse Kombëtarja është një punë që kërkon vazhdimësi dhe Armand Duka është një njeri kërkues dhe i besueshëm në këtë pikëpamje".