Rekordet e Ronaldos, "Herkulit" të kohërave moderne

Ndonëse ylli portugez nuk njihet për atributet e njeriut me shtat vigani dhe me fuqi gjiganti, e vërteta është se me sukseset e arritura mund të konsiderohet "Herkuli" i kohërave modern. Si trimi më i madh i miteve greke, Ronaldo ka arritur të shkruajë emrin në historinë e futbollit, duke u bërë kështu i "pavdekshëm".

• 658 gola në 15 vite karrierë

I lindur për të shënuar gola. Ky është përkufizimi për virtuozin portugez, i cili është golashënuesi i dytë më i mirë në historinë e futbollit profesionist, pas brazilianit Pele me 658 gola në total. Nëse vijon me këto ritme, me siguri do arrijë shifrën 700.

https://www.youtube.com/watch?v=2GSF9N15P2o

• Golashënuesi më i mirë në historinë e Realit të Madridit

Portugezi është bërë pjesë e historisë së artë të klubit spanjoll me 450 gola të shënuar në 438 ndeshje. Para Ronaldos, golashënuesi më i mirë ishte Raul me 323 gola në 741 ndeshje.

• Golashënuesi më i mirë i një ekipi kombëtar në Europë

Deri tani, askush nuk ka arritur të realizojë 85 gola në 154 ndeshje për një ekip kombëtarë në Europë. Rekord mbresëlënës, duke ditur që 33-vjeçari ende nuk është tërhequr nga aktivitetet ndërkombëtare.

• Gjuajtësi më i suksesshëm i penalltive në kampionatin spanjoll

Është fakt se Ronaldo është shquar si një gjuajtës i suksesshëm i penalltive. Gjatë 9 sezoneve me Realin e Madridit, ai fitoi 71 penallti, nga të cilat 61 i ktheu në gola.

• Perandori i parave

Rrjeti mediatik, CNBC zgjodhi portugezin si sportisin me të ardhurat më të larta në botë të vitit. Sipas ‘Forbes’ 108 milionë euro i ka gjeneruar deri tani nga kontrata me Realin e Madridit dhe Juventusin; 47 milion euro nga shpërbimet, më shumë se 1.8 milionë euro nga rrjetet sociale, shto këtu edhe të ardhurat nga kontrata e përjetshme me Nike me vlerë 1 miliard euro.

• Mbi 50 gola të shënuar në 6 sezone të njëpasnjëshme

Statistikat janë të frikshme; Ronaldo është i vetmi futbollist në pesë kampionatet më të rëndësishme në Europë, që ka arritur të shënojë mbi 50 gola [përfshire të gjitha kompeticionet] për gjashtë sezone me radhe.

• Fituesi i gjitha trofeve individual dhe ekipore

Si pjesë e Manchester United dhe Realit të Madritit, Ronaldo është i vetmi futbollist që ka arritur të fitojë çmimet, si: Topi i Artë, Këpuca e Artë, Liga e Kampioneve, Premier Liga dhe Premiera Divizion, Kampionati Botëror i Klubeve dhe Super Kupa e Botës, etj.

• Mbi 10 gola në shtatë sezone të njëpasnjëshme në Ligën e Kampioneve

Liga e Kampioneve është bërë për Ronaldon. Si askush tjetër deri tani, Ronaldo ka shënuar mbi 10 gola në shtatë sezone të njëpasnjëshme të kompeticionit prestigjioz.

• I vetmi sportist në librin ‘Guinnes

Sukseset e sulmuesit nuk mund të kalonin pa u certifikuar edhe nga libri i rekordeve botërore ‘Guinnes’. Në motivacion përfshiheshin: numri rekord i golave, trofetë individual dhe mashkulli më i pëlqyer në rrjetet sociale.

• Humanist i madh

Që nga viti 2013, Ronaldo kryeson listën e sportisteve, që kontribuojnë në përmirësimin e njerëzve në mbarë botën. Me shifra që arrijnë nga 600 mijë, deri në 5 milionë euro, Ronaldo është kthyer në një shembull. "Babai im gjithmonë më ka mësuar të ndihmoj të tjerët, dhe ju do të merrni dyfishin në kthim dhe kjo është ajo që më ka ndodhur vërtet”, ka thënë portugezi.

• Personi më i pëlqyer në ‘Facebook’

Popullariteti i Ronaldos është i paarritshëm, krahasuar me personalitetet e tjera në botë. Që nga 22 nëntori 2018, portugezi është personi më i pëlqyer në Facebook me 122,608,583 pëlqime. Ronaldo e ka mbajtur këtë rekord që nga viti 2016.

• Sportisti më i klikuar në ‘Wikipedia’

Ylli i Juventusit ka faqen më të klikuar në ‘Wikipedia’ sa i takon sportistëve. Nga 1 dhjetori 2007 deri në 30 qershor 2016, faqja e Ronaldos tërhoqi mbi 48 trilionë shikime.