Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Renditja e FIFA-s, Shqipëria dhe Kosova mbeten në të njëjtin pozicion

Politiko 16 Gusht 2018, 15:24

Kombëtarja shqiptare nuk ka lëvizur nga pozicioni i saj në hierarkinë e futbollit global, pasi pushimet e verës dhe mungesa e sfidave pas Botërorit kanë ruajtur thuajse të njëjtin klasifikim.

Formacioni kuqezi, i drejtuar nga trajneri Christian Panuçi, mbetet në vendin e 58 në renditjen e hartuar së fundmi nga FIFA.

Shqipëria mbetet me diferencë fare të vogël nga Sllovenia dhe Koreja e Jugut, por gjithsesi mbi ekipet e Amerikës Latine, si Bolivia apo Ekuadori.

Në klasifikimin e parë pas përfundimit të Botërorit, edhe Kosova vazhdon të jetë në  vendin e 141-të mes ekipeve si Hong Kongu apo Botsvana.

Turneu i kësaj vere u reflektua dukshëm në klasifikimin e FIFA-s, me Francën kampione të botës në vendin e parë, me 1.726 pikë. Kroacia arriti të shkojë deri në finalen e madhe të Moskës, por pavarësisht rrugëtimit mbresëlënës nuk është as në podiumin e përkohshëm.

Në vendin e dytë është Belgjika, ndërsa i treti është Brazili.

Të fundit