Rihanna bashkohet me kompaninë e rëndësishme të modës për të krijuar markën e saj të veshjeve

Mesa duket dita kur të shohim sërish Rihannen në muzikë do të jetë e largët. Ajo prej disa kohësh i është përkushtuar biznesit por mesa duket dëshiron që të zgjerohet akoma më shumë. Shumë shpejt, këngëtarja nga ishujt Barbados do të ketë markën e saj të veshjeve. Për këtë ajo është bashkuar me kompaninë e madhe të luksit LVMH, pjesë e së cilës janë Dior, Louis Vuitton etj. Rihanna dhe LVMH kanë bërë me dije për mediat se marka e re e luksit do të vendoset në Paris dhe do të mbajë emrin Fenty, ashtu si linja e të brendshmeve dhe e kozmetikës që Rihanna ka themeluar paraprakisht. “Të gjithë e njohin Rihanna-n si një këngëtare të shkëlqyer, por nëpërmjet bashkëpunimit tonë me Fenty Beauty, kam zbuluar një sipërmarrëse të vërtetë, një CEO të vërtetë dhe një drejtuese të shkëlqyer. Ajo e ka gjetur natyrshëm vendin e saj të plotë tek LVMH. Për ta mbështetur Rihanna-n në ndërtimin e Fenty Maison, kemi ndërtuar një skuadër të talentuar dhe multikulturore të mbështetur nga burimet e kompanisë.  Jam krenar që LVMH po drejton këtë sipërmarrje dhe shpresoj që të jetë një sukses i madh!”- tha CEO i LVMH, Bernard Arnault.

 

View this post on Instagram

 

big day for the culture. thank you Mr.Arnault for believing in this little girl from the left side of an island, and for giving me the opportunity to grow with you at @LVMH . This is proof that nothing is impossible. Glory be to God. 🙏🏿

A post shared by badgalriri (@badgalriri) on May 10, 2019 at 6:22am PDT