Rikthehen avionët me drogë? Taulant Balla hedh poshtë denoncimin e qytetarit

Deputeti i PS në qarkun e Elbasanit, Taulant Balla ka hedhur poshtë denoncimin e ish-kryeministrit Sali Berisha, që postoi një foto të dy avionëve me pretendimin se ata transportojnë me lëndë narkotike.

Balla garanton me bindje se ata janë avion amerikanë, duke kryer stërvitje në bazën ajrore të Kuçovës.

“Pothuajse gjatë gjithë ditëve të stërvitjes së avionëve amerikanë në bazën ajrore të Kuçovës nuk ka munguar edhe “denoncimi” qesharak i përditshëm i Sali Berishës. Situatë e rëndë në lidershipin e opozitës: dy kanë marrë malet, njëri me sytë nga qielli, e tjetri në kafe-protesta”, shkruan Balla në një postim në Facebook.