Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rikthimi i vizave/ Shqiptarët i shpëton procedura e komplikuar në institucionet e BE-së

Politiko 18 Prill 2019, 13:16

Rikthimi i vizave/ Shqiptarët i shpëton procedura e komplikuar në

Kryeministri Edi Rama është shprehur sot i bindur se mocioni i miratuar në Parlamentin e Holandës për rikthimin e vizave me Shqipërinë është “një lojë e brendshme, me dinamikë të brendshme dhe që nuk impakton asesi, në asnjë mënyrë, lëvizjen e lirë të qytetarëve shqiptarë.”

(Vizat/ Rama akuza Holandës: Politikë intensive kundër shqiptarëve; po përdoremi si ‘kokë turku’)

Në Kuvend, Rama foli për procedurën e komplikuar në institucionet e Bashkimit Evropian kur kërkohet që një shteti t’i rikthehen vizat.

Procedura sipas Ramës është e tillë: “Qeveria holandeze nuk ka ndërmarrë dhe nuk ka dhënë sinjale se do të ndërmarrë, në kushtet e fushatës elektorale ku shqiptarët janë bërë mish për top nga parti që shkelin dinjitetin e shqiptarëve, t’i adresohet Komisionit Evropian. Më pas, KE nëse ka një kërkesë nga Holanda merr dhe shqyrton kriteret për të cilat sapo fola. Janë kritere teknike dhe jo politike, bazohen në fakte dhe jo në kallje të frikës te popullata për rrezikun që vjen nga shqiptarët. Nëse KE, hipotetikisht, gjykon se kriteret objektive janë të gjitha të ndryshme në ato që janë në fakt, atëherë KE nuk vendos por ia dërgon Këshillit Evropian, forumi ku përfaqësohen të gjitha vendet anëtare dhe ku duhet konsensusi i të gjitha vendeve anëtare për të vijuar me procedurën. Ekziston edhe një procedurë që nuk është përdorur kurrë, shumica e cilësuar. Dhe në të gjithë këtë skenar imagjinar, nëse arrihet shumica e cilësuar, që nuk është përdorur kurrë, atëherë vendimi i çohet Parlamenti Evropian.”

Rama renditi edhe kushtet negative që duhet të përmbushen që Shqipërisë t’i rikthehen vizat:

Së pari, duhet të ketë një rritje të qëndrueshme të emigracionit të parregullt nga një vend në vendin përkatës të BE. Konsiderohet si rritje e qëndrueshme dyfishimi i atyre që emigrojnë në mënyrë të rregullt. Fakti flet për rënie dhe jo në rritje, e lë më pastaj për dyshim.

Së dyti, numri i azilkërkuesve duhet të jetë dyfish. Jo vetëm që nuk ka një rritje dyfish të azilkërkuesve në Hollandë, por ka rënie.

Së treti, duhet të konstatohet mungesë vullneti në bashkëpunimin midis vendeve për kthimin e emigrantëve të parregullt. Jo vetëm që nuk ka rënie të bashkëpunimit, por rritje të bashkëpunimit e nënvizuar kjo nga autoritetet holandeze.

Së katërti, duhet që vendi që merret në shqyrtim të përbëjë kërcënim për sigurinë kombëtare të vendit që ndërmerr këtë procedurë. Nuk ekziston.

Së pesti, duhet të konstatohet kthimi mbrapa në zbatimin e të gjitha kritereve teknike të përcaktuara për lëvizjen e lirë dhe këto kritere teknike vlerësohen dhe gjykohen në mënyrë sistematike nga Komisioni Evropian, i cili në dhjetorin e kaluar ka nënvizuar se Shqipëria i plotëson të gjitha kriteret.