Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rikthimi i Luiza Gegës pas dëmtimit: Plane për garat e sezonit veror, synoj medaljen

Politiko 22 Shtator 2017, 22:12

Rikthimi i Luiza Gegës pas dëmtimit: Plane për garat e sezonit

Pas një dëmtimi që e detyroi të mos merrte pjesë as në Kampionatin Botëror të Atletikës në Londër, këtë verë, Gega përmes një statusi ka treguar që tashmë edhe ky dëmtim ka mbetur pas dhe ajo ka nisur stërvitjen me synime të mëdha për disa gara të rëndësishme që e presin. Sigurisht nuk është e lehtë për shkak të kushteve të pamjaftueshme në Shqipëri, por edhe sepse atletët e nivelit të saj janë një lloj asketësh që i kushtohen plotësisht stërvitjes dhe një pjesë të vitit e kalojnë në vende të larta, thuajse vetëm. Megjithatë pasioni i fortë për vrapin i jep motivin për të vazhduar.

"M'u desh më shumë se një muaj të qendroja larg asaj që bëja çdo ditë të vitit për shkak të dëmtimit që pata në cipën e tendinës se akilit, por tani çdo gjë është në rregull dhe unë jam gati për të filluar.

Në çdo sezon të ri që filloj, vendos objektivat që dua të arrij, mundohem të analizoj çdo gjë, çdo sakrificë që duhet për të arritur objektivat e mia.

Sigurisht që asgjë nuk është falas dhe unë atë e di, di që duhet të punosh fort dhe kurrë të mos dorëzohesh, të qëndrosh shumë e fokusuar në atë që kërkon të arrish e të mos lejosh askënd të të shpërqendrojë. Të qenurit në elitën e këtij sporti, më besoni, nuk është aspak e lehtë, sidomos në vendin tonë ku përveç kushteve aspak të barabarta me kundërshtarët, pjesën më të madhe të vitit më duhet të qëndroj pothuajse vetëm pasi duhet të stërvitem në vende sa më lart mbi nivelin e detit, kjo sigurisht është e vështirë, por kur ti ke një ëndërr mundohesh mos të lësh asgjë të të sfidojë, por të bësh çdo gjë që mundesh për të arritur objektivin tënd.

Kjo që unë bëj është pasioni im tashmë i kthyer dhe në profesion dhe pse në vendin tonë për fat të keq nuk kuptohet nga të gjithë, por për mua kjo pak rëndësi ka, pasi unë bëj atë që dua dhe kjo më bën të lumtur, e sidomos kur dhimbja kthehet në diçka të mrekullueshme.

Por ka dhe nga ata që më mbështesin e vlerësojnë atë që unë bëj, më dërgojnë mesazhe urimi pa fund. I falënderoj shumë pasi ata janë mbështetësit e mi, tifozët e mi.

Unë jam shumë krenare për çdo gjë që kam arritur, ku të them të drejtën s'e mendoja kurrë që një ditë do kisha gjithë këto rekorde duke filluar nga 800m e përfunduar në 21km, apo të kisha gjithë këto medalje ndërkombëtare. Prandaj e falënderoj jo pak herë trajnerin tim që pa tek unë atë që unë nuk e kisha parë te vetja dhe që ai vazhdon të ketë një besim të madh tek unë për atë që mund të arrij në të ardhmen. Kjo më gëzon shumë sepse ai nuk bëhet kurrë optimist kot, qëndron gjithmonë me këmbë në tokë.

Këtë vit do të fokusohem në garat e sezonit veror ku dy i cilësoj më të rëndësishmet: Lojërat Mesdhetare dhe Kampionati Europian dhe ku objektivi im do të jetë medalja, ku puna fillon që tani.

Diçka e afërt është pjesëmarrja në Gjysmë Maratonën e Tiranës ku sigurisht do të jetë diçka argëtuese për mua dhe pse pretendoj të thyej rekordin kombëtar më shumë se 4 -5 minuta", shkruan Gega e cila premton që në të ardhmen do e marrë seriozisht këtë garë, por për momentin përparësi përbëjnë garat e pistës, kryesisht 3000m me pengesa.

Ajo e mbyll mesazhin me një falënderim për mbështetësit duke pritur me emocion çfarë do sjellë në karrierën e saj viti që vjen, me aktivitetet sportive ku ajo synon të marrë medalje. Këto suksese, por edhe vetë kënaqësia që i jep vrapi, mbeten shpërblimi më i madh për ditët e vetmuara dhe sakrificat.