Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Risia e Samsung, transmeton për herë të parë përmbajtje 8K përmes satelitit

Politiko 5 Qershor 2019, 15:27

Samsung, Spin Digital dhe SES kanë bashkuar forcat për të transmetuar për herë të parë përmbajtje 8K përmes satelitit. Kjo është bërë e mundur përmes ASTRA 28.2 gradë është prezantuar në eventin dy-ditor që është mbajtur në Luksemburg, ku Spin Digital ka ofruar ekspertizë për të koduar sinjale 8K me cilësi të lartë

Kjo risi nga Samsung vjen si dëshirë e konsumuesve, të cilët kërkojnë të kenë pamje ultra-HD, ashtu siç e thotë dhe Thomas Wrede, Zv/President i Teknologjive të Reja dhe Standarde në SES Video:

Publiku sot dëshiron eksperienca më të pasura videoje që mund të përmbushen më së miri nga përmbajtja ultra-HD, kështu që shumë nga klientët tanë të transmetimit dhe videove po transferojnë kanalet e tyre në definicion të lartë (HD) dhe Ultra HD. Do të kalojnë vite përpara se ekranet e sheshtë 8K ose videowallet të bëhen një pamje e zakonshme në dhomat tona të ndenjes. Sidoqoftë, ne po parashikojmë të ardhmen duke punuar me partnerët tanë të industrisë për të përmirësuar më tej përvojën e cilësisë së videos të konsumatorit dhe për të përcaktuar një standard transmetimi satelitor 8K.

E ndërsa John Adam, kreu i Zhvillimit të Biznesit dhe Çështjeve Industriale në Samsung Research UK është shprehur duke thënë se Samsung është i vendosur dhe i angazhuar për të zhvillimin e një tregu të ardhshëm televiziv 8K.

Samsung është i kënaqur që të bashkohet edhe një herë me SES-in në një tjetër demonstrim të teknologjisë pararojë në ditët e industrisë SES. Samsung është plotësisht i angazhuar në zhvillimin e një tregu të ardhshëm televiziv 8K dhe ky demonstrim i qëndrueshmërisë së platformës satelitore SES është një hap i rëndësishëm drejt këtij qëllimi.

Por çfarë është përmbajta 8K dhe çfarë ofron?

Përmbajtja 8K, me 7680x4320 piksels në 50 korniza, është koduar nga Spin Digital duke përdorur enkoderin e saj HEVC në një normë prej 70 Mbps për cilësinë e transmetimit, ndërsa transmetimi kryhet nga SES në një transponder të vetëm 33 MHz duke përdorur parametrat e transmetimit të DTH. Modeli 82” Samsung 8K Q950RB QLED merr këtë sinjal direkt dhe përdor parametrat e transmetimit DVB-S2 posaçërisht për këtë demo. Ky televizor Samsung përmban një dekodues video HEVC 50/60 fps, kompatibël me 8K, ndërfaqen më të fundit HDMI dhe është në gjendje të shfaqë përmbajtje në HDR. Televizori do të jetë së shpejti në dispozicion në të gjithë Evropën.

Transmetimi i përmbajtjes me cilësi 8K në formate të shumëfishta videoje bën thirrje për kodim eficent dhe teknologjinë e besueshme për këtë qëllim. Ndërsa teknologjia e kompresimit do të bëhet më efikase në vitet e ardhshme, produkti demo nënvizon faktin se sateliti tashmë është i aftë të ofrojë shpejtësinë e nevojshme të transmetimit për shpërndarjen e sinjaleve 8K nëpër kontinente të ndryshme.