Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ristani: Fjalia e vetme që ju thashë prokurorëve

Politiko 9 Mars 2018, 14:57

Ristani: Fjalia e vetme që ju thashë prokurorëve

Sekretari i Përgjithshëm i Partisë Demokratike, Arben Ristani, e ka cilësuar si një tymnajë për të shmangur vëmendjen nga problemet reale të vendit të gjitha lajmet që qarkullojnë sa i takon pagesave për lobim nga ana e PD-së.

Në një intervistë për Ora News, Ristani tha se PD ka një kontratë të rregullt lobimi, sipas ligjeve të shtetit shqiptar dhe se këtë gjë e ka deklaruar edhe para prokurorisë ditën e sotme.

Intervista e plotë

Çfarë dëshmuat?

Ristani: Në këtë situatë ku sundojnë lajmet e rreme dhe një interes shumë i madh i pushtetit për të shkëputur vëmendjen nga ngjarjet e ditës, nga droga dhe korrupsioni galopant që ka përfshirë vendin më duhet që në funksion të transparencës dhe interesit publik t'ju them se ka pasur një tymnajë të hedhur mbi lobimin e PD-së për zgjedhje të lira dhe të ndershme. Në kuadër të këtij lobimi ka pasur një kontratë që është bërë publike për lobim midis PD dhe një zyre lobimi në SHBA.

Për këtë kontratë ka pasur pagesa të ligjshme të bëra përmes bankës dhe të deklaruara në KQZ dhe atje ku ka pasur interes dhe nevojë për të sqaruar këtë lloj tymnaje. Pata një thirrje nga Prokuroria e Tiranës sepse kishin interes të dinin në raport me disa të dhëna që janë bërë publike, për të cilat nuk është se u futa thellë sepse nuk mund të komentoj prononcime nga të tretë që nuk kemi lidhje me të. Me rëndësi është që kemi një kontratë, kemi bërë një pagesë, pagesat janë kryer sipas ligjit. Një fjali ishte i gjithë prononcimi im dhe për prokurorinë e Tiranës.

A ka lidhje PD me kompaninë “Biniatta Trade LP?

Ristani: Unë di lidhjet që janë me kontratë, zyrtare dhe për këtë patëm dhe bisedën me Prokurorinë. Për ju dua të theksoj dhe diçka tjetër, ka pasur një prononcim të Taulant Ballës në parlament i cili paralajmëroi thirrjen time në prokurori dhe për habinë time menjëherë pas kësaj vjen dhe kjo thirrje që më lë një shije të hidhur në raport me pavarësinë e prokurorisë në këtë rast. Por gjithësesi kam bindjen që do të arrijmë ta ruajnë pavarësinë e saj.

Fotoja e zotit Lulzim Basha me Presidentin Trump është paguar?

Ristani: Besoj i ndoqët prononcimet e Bashës në "Opinion" që tha se nuk është e paguar.

‘Muzin Capitol Partners’ ka depozituar një kontratë ku thotë se ka paguar në emër të PD.

Ristani: I vetmi koment që kam unë është se kemi një kontratë të rregullt me pagesa të rregullta, me bankë dhe të deklaruara qoftë në KQZ, qoftë në organet e tjera.

Është në dijeni PD që kompania “Biniatta Trade LP kontrollohet nga dy shtetas rus?

Ristani: Jo nuk kam dijeni, janë kompani pa lidhje.

“Biniatta Trade LP" ka paguar 950 mijë dollarë tek ‘Muzin Capitol Partners’ për PD.

Ristani: Nuk di t'ju them.

A po bëhet PD instrument i ndikimit rus në Shqipëri, ndoshta dhe pa dashje?

Ristani: Po ç'lidhje ka PD as me dashje as pa dashje. PD është partia që jo vetëm ka përmbysur komunizmin në Shqipëri por është e vetmja në gjithë botën lindore që vazhdon të jetë aktive dhe shtetformuese në politikë si një parti që ka ardhur në pushtet duke përmbysur komunizmin.E gjitha kjo është një tymnajë e atyre që vërtet janë nën influencat e të majtave, qoftë të lindjes apo dhe vende të tjera.E gjitha është për të shmangur interesin e ditës që vjen në raport me faktin se Shqipëria është kthyer në një vend që shpërndan drogë në gjithë Europën. E vetmja e vërtetë është kjo: Një kontratë e rregullt lobimi, me një pagesë të rregullt sipas ligjeve të shtetit shqiptar./Ora News