Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rrëfehet ish-deputetja Kadiu: Nga djegia e mandateve te rruga e PD-së për t'u rikthyer në pushtet

Politiko 10 Prill 2019, 20:37

Rrëfehet ish-deputetja Kadiu: Nga djegia e mandateve te rruga e PD-së

Ish-deputetja e Partisë Demokratike në qarkun e Durrësit, Fatbardha Kadiu në një intervistë për Politiko.al komenton aktualitetin politik, problemet ekonomike të shqiptarëve shkaktuar nga qeverisja e Edi Ramës dhe sugjeron çfarë duhet bërë për t’u rikthyer në pushtet.

Kadiu nuk mbështet deputetët që pranuan të behen pjesë e parlamentit, në kundërshtim me vendimin e Këshillit Kombëtar, ndërsa për sondazhet e fundit, që nxjerrin Partinë Demokratike fituese, ish-deputetja me profesion ekonomiste nënvizon se nëse shqiptarët do të votojnë jo nën presionin e pushtetit, jo nën ndikimin e blerjes së votës por të lirë ata do të votonin Partinë Demokratike.

Intervista e plotë:

Znj. Kadiu, ju mbeshtetet propozimin e Bashes per djegien e mandateve. Si eshte pritur vendimi nga qytetaret durrsak?

Sigurisht që qytetarët që ndjekin aktivitetet dhe ngjarjet politike në vend e kanë mirëpritur dhe e kanë parë si një rrugë të vetme këtë akt.

Nuk do doja të mos konsideroja dhe pjesën e shoqërisë të cilët nuk janë shumë të lidhur me politikën dhe aktivitetet partiake të cilët nuk e kanë parë këtë akt si rrugëzgjidhje.

Por ne kemi bërë të mundur, që nga dita në ditë, me bashkëbisedime me ata, shpjegime dhe arsyetime objektive të sistemit politik aktual, të mungesës së gjykatës kushtetuese, të arrogancës dhe keqqeverisjes së maxhorancës aktuale, duke mos lënë asnjë hapësirë për opozitarizëm, parlamentarizëm dhe institucionalizëm, bëjnë që çdo ditë e më shumë qytetarë nga kjo pjesë e shoqërisë të na mbështesë në betejën tonë të ndërmarrë për djegien e mandateve, por me qëllimin madhor për të realizuar një sistem qeverisës të qytetarëve dhe pë qytetarët. Sepse ne jemi njësoj të dëmtuar nga ky sistem e kjo qeverisje dhe jo palë me krimin, korrupsionin që ka nevojë për imunitet.

Si një eksperte ekonomie, cilat janë problemet ekonomike me të cilat përballen shqiptarët?

Problemi kryesor është korrupsioni dhe kryesisht ai përmes PPP-ve. Këto rezultojnë në paga të ulta, varfëri, papunësi, mungesa shërbimesh dhe emigrimi të trurit.

Borxhi publik qq do i lëmë brezave që vijnë, shfrytëzimi pa kriter e pa inventar transparent i pasurive publike, abuzimi me paratë e buxhetit të qytetarëve, të gjitha këto janë thelbësore në një ekonomi dhe po shkatërrojnë jetët tona çdo ditë.

Do t’i rikthehem përsëri pagave të ulta që janë dhe faktori kryesor i largimit të trurit në vitet e fundit nga Shqipëria. Kanë mbetur edhe pak muaj nga organizimi i zgjedhjeve lokale dhe Partia Demokratike ende nuk ka dalë me një vendin nëse do marrë pjesë.

Cili është qëndrimi juaj për këtë çështje?

Në fakt, Partia Demokratike është shumë e qartë në qëndrimin e saj. Zgjedhje me Ramën nuk mund të realizohen dhe në qëndrimin tim personal nuk duhet në asnjë formë të realizohen zgjedhje me Ramën kryeministër.

Rezultatet e një sondazhi të publikuar së fundmi tregojnë se nëse zgjedhjet do organizoheshin në këtë periudhë, opozita del fituese. Komenti juaj?

Jam e bindur që nëse shqiptarët do të votojnë jo nën presionin e pushtetit, jo nën ndikimin e krimit por të lirë, ata do të votonin Partinë Demokratike. Dhe e gjithë beteja jonë është për të realizuar zgjedhje të lira.

Të gjitha sondazhet tregojnë për rritjen e mbështetjes së Partisë Demokratike, për fitoren e Partisë Demokratike, dhe humbjen e Ramës.

Asnjëherë në sondazhe nuk ka ndodhur që kryeministri të ketë më pak pikë sesa qeveria, gjë që shikohet e lexohet dhe tek çdo socialist i thjeshtë, sot që mbajnë mbi supe arrogancën e tij.

Çfarë mendoni për koleget e opozitës që janë në parlament sot?

Unë do të bëja një diferencim të madh midis kolegeve të cilët nuk u larguan nga parlamenti dhe atyre që hyjnë rishtazi, pasi Partia Demokratike e kishte marrë vendimin e saj politik.

Besoj që çdokush ka të drejten e tij të bëjë opozitën ndaj kësaj qeverie neokomuniste sipas mënyrës dhe arsyetimit të tij personal.

Çfarë duhet të bëjë PD që të fitoje më shumë qytetarë nga vetja?

Partia Demokratike do të jetë e qartë dhe konkrete në kërkesat e saj mbi qeverinë tranzitore. Do të jetë më filtruese në profilet e kandidateve të saj jo vetëm deputet, por dhe kryetar të pushteteve lokale, të kryetarëve të degëve, për të gjithë, gjithmonë e më shumë individë të cilët krijojnë dhe elitën shoqërore për të udhëhequr vendin e për të qenë model për shoqërinë.