Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rrëfimi i analistit: Si më goditën e më kërcënuan me pistoletë Tom Doshi e Fidel Ylli te “Bar West”

Politiko 7 Qershor 2018, 08:48
Rrëfimi i analistit: Si më goditën e më kërcënuan

Në një intervistë për “Panorama”, panelisti Ilir Demalia tregon se krimi është ulur në Parlament, duke sjellë rastet e kërcënimeve me jetë që ka marrë disa vite më parë nga deputetët aktualë Tom Doshi dhe Fidel Ylli.

Ai sqaron se si është kërcënuar në 1995 me pistoletë në kokë për disa rreshta që kishte shkruar në një libër të tijin për ish-themeluesin e PD, Gramoz Pashkon.

“Isht korrik dhe unë vija nga Amerika për botimin e librit “ drejt Perëndimit”. Në faqen 11 unë shkruaja: “në këtë kohë Pashko ishte një “kurajoz” që kishte dhënë intervista te VOA , ndërsa dëgjimi i këtij stacioni ishte ilegal. Të ketë pasur visto nga lart?!”. Fidel Ylli ka qenë bodyguard i Gramozit e më pas i Aleksandër Meksit kur ishte kryeministër . Ai kishte hapur një lokal “bar West” në qoshë të Parkut Rinia. Unë po shkoja atje të takohesha me dy miqtë e mi, Sokol Ngjelën dhe teodor Kekën. Në kafe teksa prisja miqtë e mi isha me Hektor Pustinën dhe tjerë gazetarë.

Në atë kohë me sheh Fidel Ylli dhe më drejtohet: U bëre ti morë skërdhatë të shkruash për Gramozin, dil përjashta.

Unë iu ktheva: Kush je ti more ndyrsirë që më tregon mua se çfarë të shkruaj. Fideli më goditi me grusht. Unë iu ktheva dhe mora karrigen. Në këtë moment hyn Tom Doshi. Ai më godte nga mbrapa dhe më vendosi pistoletën pas koke bashkë me Fidelin. Të dy rrinin të armatosur. Më pas vijnë furgonët e rajonit nr 3 ku shef ishte Gjergj Jorgo dhe më marrin mua. Unë iu ktheva: kap ata të dy që i ke të armatosur dhe jo mua. Më morën me futën në furgon por më liruan pas një ore. Me sa kuptova Fideli ishte një nyje që lidhte shumë fije dhe mbrohej nga dy krahët e politikës. Më pas u ktheva në Amerikë. Në 2005 jam takuar me Fidelin te dy kullat te lokali i tij. Ishte koha kur kishte ardhur në pushtet Berisha dhe i kishte shembur lokalin e diskon te Akademia. Kurse me Doshin jam parë vetëm një herë në aeroportin e Zvicrës. Ishte me Arta Daden, nuk e di nga vinin”, u shpreh Demalia.

Sipas tij Shqipëria nuk ka krijuar ende modelin e moralit, duke i hapur rrugë personave të ardhur nga trafiku i drogës në Parlament.

Të fundit