Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rreziku i kthimit të karantinës, çfarë po ndodh me pandeminë në Shqipëri?

Politiko 14 Qershor 2020, 18:12

Rreziku i kthimit të karantinës, çfarë po ndodh me

Sot u shënua një tjetër rekord në shifra zyrtare sa i takon të prekurve me koronavirus në Shqipëri. Shifra 40 e lart i la vendin shifrës 57. Deri tani kjo është shifra më e lartë e të infektuarve, megjithatë me këtë ritëm nuk është çudi që të tejkalohet.

Teksa shifrat rriten, ankthi e tensioni tek qytetarët shtohet pasi të gjithë i druhen karantinës.

Në një komunikim direkt me edicionin informativ në Tv Klan, shefja e epidemiologjisë në ISHP Eugena Tomini ka folur për situatën aktuale ku ndër të tjera u pyet edhe për mundësinë e rikthimit në karantinë.

“Për t’ju thënë të vërtetë është më e rëndësishme zbatimi i disa masave që janë shumë të thjeshta për të ecur para, se sa për tu kthyer pas. Të gjitha e provuam karantinën, të gjithë patëm efektin e masave të izolimit të theksuar, por është shumë e rëndësishme nëse duam të ecim përpara të zbatojmë protokollet e sigurisë nga të gjitha subjektet, institucionet, ndërgjegjësim më i madh tek e gjithë popullata për të mos u kthyer pas”, tha Tomini.

Ndërsa për përballimin e situatës të të shtruarve në Infektiv, Tomini tha se deri tani është nën kontroll.

“Është e vërtetë që është vetëm spitali infektiv në dispozicion për situatë, por ka struktura mbështetëse. Aktualisht ka një kapacitet prej 120 shtretërish, ka oksigjenoterapi për çdo shtrat, ka reanimacion në gatishmëri. Sigurisht që strukturat mbështetëse, nëse do të kalojmë përtej pritshmërive apo kapaciteteve të spitalit infektiv, janë në situatë alerti për të përballuar situatën”, tha Tomini.

Nga ana tjetër politikanët i lenë njëri-tjetrit përgjegjësinë për rritjen e të infektuarve. Maxhoranca thotë se fajin e kanë protestat, ndërsa opozita përgjigjet se vatrat e infeksionit janë spitalet.

I ashpër ishte edhe reagimi i nënkryetarit të LSI, Petrit Vasili i cili kërkoi sot dorëheqjen e kryeministrit Rama, referuar situatës.

Ai argumentoi se pas dorëheqjes, Rama duhet të ndiqet penalisht, pasi nuk u bënë testime, nuk u blenë mjete mbrojtëse, aspiratorë, nuk u ndaluan aktivitetet ekonomike me risk të lartë dhe u përbuzën sugjerimet profesionale.

Ish deputeti demokrat Bardh Spahia konfirmoi se spitali i Pukës është kthyer në vatër infeksioni, duke u shprehur se kjo vjen për shkak të neglizhencës skandaloze.

Nga ana tjetër ish-ministri Tritan Shehu tha se numri i të infektuarve me koroanvirus në Shqipëri, sot është në të njëjtat nivele me atë që ka Kina.

https://politiko.al/nje-tjeter-rritje-rekord-e-rasteve-me-covid-19-ne-shqiperi-msh-perditeson-te-dhenat-per-24-oret-e-fundit/