Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rreziqet që vijnë nga përdorimi i viagrës

Politiko 19 Gusht 2018, 19:04
Rreziqet që vijnë nga përdorimi i viagrës

Nëse jeni duke pasur probleme në departamentin e dhomës së fjetjes, atëherë nuk jeni i pari. Sipas statistikave, rreth 60% e meshkujve kanë probleme të kenë ose ta mbajnë ereksionin gjatë seksit gjatë një faze të jetës së tyre.

Veç kësaj, rreth 30% e meshkujve kanë raportuar se kanë qenë nën moshën 40-vjeçare kur kanë pasur për herë të parë probleme me ereksion.

Një numër i faktorëve mund të jetë përgjegjës për sabotimin e aftësive tuaja seksuale. Disa prej tyre janë jashtë kontrollit, e disa tjera janë të ndërlidhura me anën psikologjike dhe stilin e jetesës.

Nëse jeni duke pasur probleme të tilla, me siguri ju ka shkuar ndër mend të përdorni viagra. Por, çfarë dini për këtë pilulë?

Fillimisht, a duhet të përdorni viagra?

Nëse vazhdimisht keni vështirësi të mbani ereksion atëherë mund të përdorni viagra, por jo atëherë kur vetëm herë pas here keni probleme.

Paraprakisht duhet të keni parasysh se shumë probleme shëndetësore mund të shkaktojnë probleme me ereksion, duke përfshirë stresin, alkoolin, drogat rekreacionale, lodhja, etj.

Si ndikon viagra?

Disfunksioni erektil kryesisht shkaktohet nga ngushtimi apo bllokimi i artereve të cilat e bartin gjakun në penis, e këtu viagra reagon.

Viagra përmban diçka që quhet sildenafil, i cili funksionon duke parandaluar veprimin e një kimikale në trupin tuaj që quhet fosfodiesterasi tipi 5.

Kjo i relakson enët e gjakut dhe e përmirëson qarkullimin e gjakut në penis pas stimulimit seksual, gjë e cila ju ndihmon ta mbani dhe arrini ereksionin.

Sa shpejt funksionon viagra dhe sa zgjat?

Pavarësisht miteve rreth kësaj pilule, viagra nuk ju sjell ereksion të menjëhershëm dhe nuk funksionon nëse nuk jeni të stimuluar seksualisht.

Sidoqoftë, mund të fillojë të funksionojë brenda 30 minutave.

A sjell rreziqe përdorimi i viagrës?

Po, viagra ka efekte anësore dhe ndër ankesat më të zakonshme përfshihet dhimbja e kokës, skuqja, marramendja, bllokimi i hundës, problemet me shikim, por këto ndodhin te më pak se një në 10 meshkuj.

Sidoqoftë, nëse ereksioni zgjat më shumë se katër orë dhe keni dhimbje në gjoks apo humbje të papritur të pamjes, menjëherë shkoni te doktori.

Të fundit