Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rudina Hajdari hapa konkret drejt partisë së re: Të bashkohemi për të mirën e përbashkët! (VIDEO)

Politiko 2 Shtator 2020, 23:41
Rudina Hajdari hapa konkret drejt partisë së re: Të bashkohemi

Deputetja Rudina Hajdari me rikthimin pas pushimeve duket se ka nisur nga puna për zgjedhjet e ardhshme që do të mbahen vitin që vjen dhe duket se ka hedhur një hap konkret drejt krijimit të partisë së re.

Me anë të një video-mesazhi të publikuar në rrjetet sociale, ligjvënësja shqiptare ka renditur pasuritë e vendit dhe s'ka kursyer aspak kritikat për kastën politike të 30 viteve të fundit.

Më tej, ajo i fton të gjithë i të rinjtë t’i bashkohen me të për të nisur një tur bashkëbisedimi dhe për t'i dhënë goditjen e fundit tranzicionit 30-vjeçar dhe figurave që e kanë shoqëruar atë, e cila duket si thirrje për bashkimin në një forcë politike kundër politikanëve të vjetër.

"Shpresoj të keni patur sadopak mundësi të shplodheni gjatë verës dhe të jeni plot me energji që sjell shtatori. Ky nuk ka qenë aspak një vit i lehtë Tërmeti, Covidi dhe problemet ekonomike dhe sociale që sollëm vetë, nxorrën në pah realitetin përtej fasadës që shpesh herë klasa jonë politike lyen dhe rregullon për të na gënjyer se jemi mirë. Realiteti na tregoi se shteti që kemi në këto 30 vite, nuk mund të na i sigurojë jetën, nuk ka aftësi dhe kapacitete për të na dhënë ndihmë në ditë të vështira, nuk ngrihet dot në lartësinë e dinjitetiti kombëtar. Ky realitet ka ardhur koha të shihet në sy nga të gjithë ashtu siç ka ardhur koha që të gjithë ne të marrim përgjegjësinë për ta ndryshuar. Shqipëria nuk është aspak një vend i varfër. Hidhini sytë përreth. Kush ka patur mundësi të pushojë në Shqipëri këtë nuk ka sesi të mos I ketë vënë re pasuritë e pamasa natyrore që kemi. Bregdeti i mrekullueshëm dhe plot larmi, nga Velipoja në Ksamil me dy detet e veçanta që e lagin është një perlë e Ballkanit. Bjeshkët e Malësisë, liqenet e Lurës, pyjet e Tropojës, kanionet e Skraparit, lugina e Drinosit, Dardha e Voskopoja apo dhjetra atraksione përreth Tiranës e Durrësit. A ka fusha më pjellore sesa ajo e Myzeqesë, apo vreshta më të mirë sesa ato të Përmetit e Beratit, apo pemtaria nga veriu në jug të cilat do i kishte zili çdo vend. E nuk është vetëm kaq. Kemi fushën më të madhe naftëmbajtëse në Evropë, kemi gaz natryror kemi krom, bakër, nikel e metale të tjera të çmuara. Por mbi të gjitha kemi njerëz bujarë e punëtorë. Shqiptarët janë njerëz të mirë e të ndershëm.

Çfarë e mban peng vendin është thjesht një kastë politike të pangopurish e cila përfiton nga heshtja dhe apatia jonë qytetare. Unë besoj se ne mund ta ndryshojmë këtë realitet. Ndaj dua të ftoj sot, secilin prej jush, por mbi të gjitha me të rinjtë, që të nisim një bashkëbisedim përgjatë gjithë muajit shtator, për të kuptuar sesi mund të bashkohemi më mirë për ta ndryshuar këtë realitet. Si mund të krijojmë të gjithë se bashku një armatë të rinjsh e të rejash plot me energji, pasion, idealizëm e kuroja të cilët do i jap;in vendit kthesën që ka 30 vite që e pret. Si mund t’i japim goditjen e fundit tranzicionit 30-vjeçar dhe figurave që e kanë shoqëruar atë. Si mund të lëmë të gjithë së bashku një shenjë në histori. Unë dua të flas me ty! Nuk ka rëndësi ku jeton në Tiranë apo Tropojë, në Kukës apo Konispol, në Dibër apo Korçë, më shkruaj dhe do e krijojmë mundësinë e komunikimit dhe takimit dhe pse jo, të bashkohemi të gjithë, jo për emra të përveçëm por për të mirën e përbashkët. Unë mendoj se është e mundur. Nëse e mendon si unë, më shkruaj le të bashkohemi!" thotë Hajdari në video.

VIdeo-mesazhin Hajdari e shoqëron me fjalët: "Më dëgjo pak minuta dhe nëse e mendon si unë të ftoj të bashkohemi në një rrugëtim të gjatë për të ardhmen. Gjatë gjithë shtatorit do të jemi në çdo lagje e qytet për të takuar e dëgjuar këdo që do ndryshim. Më shkruaj këtu në fb, në insta, email te [email protected] apo te www.rudinahajdari.al".

 

https://www.facebook.com/rudinahajdari/videos/2778116949134752/

Të fundit