Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ryshfet në QSUT, Manastirliu shkarkon mjekun dhe infermierin

Politiko 7 Maj 2019, 22:58
Ryshfet në QSUT, Manastirliu shkarkon mjekun dhe infermierin

Ministrja e Shëndetësisë Ogerta Manastirliu ka shkarkuar nga detyra infermierin Pali Cuni dhe doktorin Enes Hafizi, pas një video skandali të publikuar në emisionin Stop. Mbrëmjen e sotme është denoncuar se si shërbimi shëndetësor në Qendrën Spitalore Universitare (QSUT) blihet me para në dorë.

Përmes kamerës së fshehtë, emisioni ka zbuluar se për të hyrë pa radhë në pavionin onkologjik dhe për të bërë rreze, mjafton të paguash të paktën 1000 Euro!

Ndërsa Manastirliu në Facebooj shkruan:

Faleminderit emisionit “stop” për denoncimin!

Reagimi ynë është:

Pezullim dhe shkarkim i menjëhershëm nga detyra për shtetasit me iniciale p.ç dhe e.h., punonjës të shërbimit onkologjik në qendrën spitalore universitare “nënë tereza”, dhe ndjekje të çështjes në organet kompetente.

Jemi ne krahun e çdo qytetari që denoncon!

Kushdo që shkel ligjin dhe rregullat, baltos punën e një komuniteti profesionistësh, mjekësh dhe infermierësh si dhe dëmton raportin e besimit mjek-pacient, do të marrë ndërshkimin e merituar.

Askush në sistemin shëndetësor publik nuk duhet të shpërdorojë detyrën dhe besimin e dhënë për t’u shërbyer qytetarëve.

Po investojmë e punojmë çdo ditë për sistemin tonë shëndetësor.

Po investojmë në përmirësimin e kushteve të punës, në rritjen e pagave për personelin mjekësor, në teknologji e pajisje, që të garantojmë për qytetarët e pacientët kujdes shendetësor cilësor.

Raste si ky jo vetëm turpërojnë armatën e mjekëve dhe infermierëve të nderuar, që punojnë e sakrifikojnë ditë e natë per t’u kujdesur për ju, por dhe pengojnë permiresimin e sistemit!

Ndaj, asnjë hezitim për të denoncuar!

Të fundit