Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sa efikase është për shëndetin terapia me anë të thumbit të bletëve

Politiko 27 Prill 2018, 18:25

Sa efikase është për shëndetin terapia me anë të

Terapia me anë të bletëve është pjesë e trajtimeve mjekësore alternative e cila përdor helmin e bletëve për të kuruar disa sëmundje shumë të rënda.

Kjo metodë e mjekësisë alternative, e quajtur “apiterapi”, përdor polenin, helmin e bletëve, peltet mbretërore dhe mjaltë në procedurat e saja. Në këtë rast ne do të studiojmë vetëm pjesën që merret me procesin ku përfshihen drejtpërsëdrejti bletët. Duhet përmendur se është një proces i dhimbshëm, por mbështetësit e kësaj metode thonë se përfitimet dhe dobitë ia vlejnë.

Pickimi i bletës ka shumë veti shëruese dhe ndihmon në përmirësimin ose zhdukjen e sëmundjeve kronike dhe autoimune, si:

Sklerozën e shumëfishtë

Alergjitë

Artritin

Disa probleme kardiovaskulare si aritmia

Tensionin e lartë të gjakut

Hipogliceminë

Variçet

Çrregullimet në ciklin menstrual

Sëmundje të lëkurës si melanoma ose hipersensivitet

Disa sëmundje nervore

Lista e sëmundjeve që ajo kuron në fakt nuk mbaron me kaq, por vazhdon edhe shumë. Lajmi i mirë është se kjo procedurë, edhe pse shumë e dhimbshme, është e sigurt dhe pa pasoja. Lajmi i keq është se numri i personave të specializuar për kryerjen e kësaj procedure është shumë i vogël .

Si kryhet saktësisht kjo procedurë?

Tradicionalisht kjo procedurë kryhet duke përdorur bletë të gjalla të cilat do ta lëshojnë thumbin e tyre në pjesë të caktuara të trupit. Personi që ka marrë përsipër të kryejë procedurën duhet ta dijë me saktësi se ku duhet të lëshohet thumbi. Përveç faktit që bleta duhet vendosur në zonën e infektuar, shumë nga praktikuesit njohin pikat e duhura të akupunturës. Koha më efikase për helmin e bletës është në përfundim të pranverës dhe fillimit të vjeshtës. Kjo sepse gjatë kësaj kohe bletët kanë mundësi të mbledhin më shumë polen dhe kjo i lejon ato të prodhojnë një helm më të fuqishëm se zakonisht.

A është kjo terapi me të vërtetë efikase ?

Shumë persona dyshojnë tek efiçenca e kësaj procedure , por nga ana tjetër ka shumë persona që dëshmojnë për rezultate pas kësaj kure. Helmi që vjen nga thumbi i bletës ka shumë substanca aktive, si proteina, aminoacide dhe enzima. Gjithashtu përmban elemente që luftojnë inflamacionin dhe dhimbjen.

Duhet përmendur se trajtimi me anë të pickimit të bletëve mund të shkaktojë skuqje, dhimbje, inflamacion dhe fryrje. Në fakt të gjitha këto efekte anësore tregojnë se terapia është duke funksionuar. Sa më të rënda të jenë pasojat në dukje, aq më i shpejtë ka për të qenë shërimi. Ka një pjesë njerëzish të cilët janë alergjikë ndaj pickimit të bletëve dhe për këta persona ndërmarrja e një procesi të tillë mund të shkaktojë vdekje në rast se nuk trajtohet shumë shpejt. Prandaj është e rëndësishme ta dini që më përpara se të ndërmerrni përsipër kryerjen e procedurës, nëse jeni ose jo alergjikë.