Saimir Kodra hedh poshtë aludimet: Studentja nuk provokoi pedagogun e Elbasanit

Drejtuesi i emisionit “Stop”, Saimir Kodra, i ftuar në emisionin “Opinion” ka dhënë detaje për mënyrën se si u regjistrua videoja e pedagogut në Elbasan, që kërkonte favore seksuale. Sipas tij, përgjimi është bërë nga studentja me ndihmën e tyre, ndërsa hedh poshtë aludimet se vajza ka provokuar e para pedagogun.

“Është një përgjim që studentja e bëri me ndihmën tonë. Nuk është e vemtja histori në universitetet tona. Njerëzit pyesin sa e ka provokuar vajza, etj… Gjëja e parë që kam çuar studenten, i kam thënë do vishesh me xhinse e bluzë. I erdhi shpirti në majë të hundës asaj dhe erdhi na tha. Kodi i veshjes nuk ka qenë provokativ, në verë ka qenë me bluzë të gjatë. Në fillim të bisedës, janë dhe dy vajza që thotë ai se me këto mbarova punë. Ai thotë që unë nuk e bëjë për lekët. Tek kjo me sa duket ka këtë pjesën e kësaj bukurisë, po i ble unë dhe parfumin asaj pedagoges tjetër.

Por kur është bërë regjistrimi? Sipas Saimir Kodrës video është bërë në fund të sezonit akademik. “Në harkun e një jave, ka qenë fundi i sezonit akademik. Vajza ka disa provime, nuk dua që të nxjerr informacione. Kjo vajzë nuk ka provokuar, organet kompetente kur të vijnë unë, do t’iu vë gjithë materialin në dispozicion. Ndërmjetës ka qenë një shoqe tjetër, njihej mes studentëve ky. Vajza ka patur një konsulencë nga ana jonë që të mos provokonte”.