Sekuestrohet gjysmë ton kanabis në Brindisi, në pranga dy shqiptarë

FOTO ILUSTRUESE

Një gomone me gjysmë ton kanabis është sekuestruar sot nga autoritetet italiane. Mediat e këtij vendi raportojnë se gomonia ishte shtatë e metra e gjatë dhe brenda saj janë gjetur 535 kilogram kanabis.

Në prangat e policisë kanë rënë dy shqiptarë nga Vlora, S.V., 38 vjeç dhe G.D., 46 vjeç.

Lënda narkotike ishte e ndarë në 26 pako dhe vlera e saj në treg arrin në rreth 5 milionë euro.

Sipas mediave, autoritetet italiane janë lajmëruar për gomonen nga kolegët shqiptarë.