Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shakira dhe Pique, çifti ‘i krimbur’ në para

Politiko 14 Mars 2018, 22:03
Shakira dhe Pique, çifti ‘i krimbur’ në para

Këngëtarja e njohur Shakira dhe futbollisti i Barcelonës Gerard Pique, janë  një prej çifteve më të pasur në botë, pasi të dy së bashku, zotërojnë një pasuri prej qindra milionë eurosh.

Sipas “Gol” Shakira ka një pasuri prej 220 milionë dollarë, një shifër që nuk habit aspak, duke qenë se vetëm në turneun e saj të fundit “Sale el Sol World Tour”, në vitet 2010-2011, artistja kolumbiane arriti të arkëtojë 100 milionë dollarë, me biletat që u shitën për 50 dollarë secila.

Jo vetëm kaq, por sipas “Tu Salario”, këngëtarja ka fituar 130 mijë euro në ditë, ose 4 milionë euro në muaj nga shitjet e disqeve dhe fushatat publicitare.

Shakira ka shitur mbi 60 milionë kopje të albumeve në botë, por fama e saj u rrit edhe më shumë pas interpretimit të këngës zyrtare të Botërorit 2010, “Waka Waka”, ndërsa hiti “Hips Don’t Lie” është një prej atyre që kanë shitur më shumë kopje.

Albumi i Shakirës “Laundry Service” pati një sukses të madh në tregun anglosakson të muzikës, me 20 milionë kopje të shitura. Megjithatë ka edhe më shumë. Shakira ka edhe linjat e saj të fragrancave të parfumeve si “S”, “Elixir” dhe “Rock”, ndërkohë që për dy sezone ka qenë në rolin e trajneres në versionin amerikan të shfaqjes televizive “The Voice”.

Për sa i përket Pique, futbollisti përfiton 6 milionë euro në vit nga kontrata me Barcelonën, shifër së cilës i shtohen edhe të ardhurat nga publiciteteti, ndërkohë që është në pronësi të disa bizneseve. Ndër firmat që janë në zotërim të 31-vjeçarit, është ajo e videolojërave, “Kedad Games”, ndërkohë që ka 27% të kapitalit të “Bas Alimentaria”, kompani e produkteve të mishit.

Sipas përllogaritjeve të revistës “People With Money”, Pique mendohet se arkëton çdo vit 90 milionë euro.

 

Të fundit