Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

SHBA e kategorizojnë Korenë e Veriut sërish si shtet terrorist

Politiko 21 Nëntor 2017, 19:16
SHBA e kategorizojnë Korenë e Veriut sërish si shtet terrorist

Pushtetmbajtësi korean Kim Jong Un mbetet kundërshtari i preferuar i Presidentit të SHBA. Pas toneve gati pajtuese, Donald Trump shprehet sërish ashpër. Po cilat sanksione do të pasojnë?

SHBA e kategorizojnë Korenë e Veriut sërish si mbështetëse të terrorizmit. Kjo duhet të kishte ndodhur prej vitesh, tha Presidenti Donald Trump para gazetarëve në Shtëpinë e Bardhë. Ky hap bën të mundur që kundër Koresë së Veriut të vendosen masa të tjera ndëshkimore. Por nga ana tjetër ai është në një masë të madhe simbolik, sepse SHBA ndjekin që tani në mënyrë masive sanksione kundër Koresë së Veriut. Se për cilat masa ndëshkimore bëhet fjalë, këtë ministria e Financave do ta shpallë të martën, tha Trump. 
Tensionet midis Koresë së Veriut dhe SHBA janë shtuar muajt e fundit, pas disa testeve raketore dhe atomike të Koresë së Veriut, e cila është e izoluar ndërkombëtarisht në një masë të madhe. Të dyja palët e mbuluan njëra-tjetrën me kërcënime dhe me retorikë lufte. Koreja e Veriut, sipas të dhënave të saj, punon për ndërtimin e raketave, me të cilat mund të arrijë SHBA. Dy herë deri tani ajo ka lëshuar raketa mbi Japoni. Hap i madh? Gjatë udhëtimit të tij në Azi, Trumpi u përpoq për të shënuar përparime në konfliktin e Koresë. Kështu Presidenti i SHBA e përshëndeti si "hap të madh" vendimin e Kinës për të dërguar një të ngarkuar të posaçëm në Phenian. Njëkohësisht ai deklaroi se koha për një rrugëdalja nga kriza atomike kalon "shpejt". Ndërkohë, i ngarkuari i posaçëm i Pekinit e përfundoi vizitën e tij në kryeqytetin koreanoverior. Agjencia kineze e lajmeve Hsinhua bëri të ditur se të dyja palët diskutuan tema "me interes të përbashkët", midis tyre "çështje në gadishullin korean". Mbeti e paqartë nëse i dërguari i posaçëm u takua edhe me pushtetmbajtësin Kim Jong Un.

Të fundit