All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

KRYESORE

Shembja e skelës, Vasili: Shtet i pamëshirshëm, ja cilat janë të vërtetat e mëdha

Politiko 17 Gusht 2019, 12:56
Shembja e skelës, Vasili: Shtet i pamëshirshëm, ja cilat
All - Paragraf - 1

Një ditë pas ngjarjes tragjike ku dy punëtorë humbën jetën pasi skela e pallatit u shemb dhe i zuri nën vete, ka reaguar nënkryetari i LSI-së, Petrit Vasili.

All - Paragraf - 3

Duke shprehur ngushëllimet e thella për dy punëtorët që humbën dje tragjikisht jetën, dhe tre të tjerët që u plagosën, Vasili tha në një dalje për media se një ditë pas kësaj ngjarjeje tragjike është koha për të treguar disa të vërteta tragjike të kësaj qeverie.

Sipas tij, askush nga mazhoranca nuk ka thënë asnjë fjalë të vetme për këtë ngjarje tragjike dhe aq më tepër të marrin guximin e të shkojnë për të vizituar në spital të plagosurit.

“Dje në mes të Tiranës ndodhi një ngjarje shumë e rëndë, një aksident nga më tragjikët në punë, i cili ka shkaktuar vdekjen e dy qytetarëve dhe plagosur tre të tjerë, që ndodhen në spital. Shprehim ngushëllime për vdekjen e dy qytetarëve të ndershëm, që humbën jetën duke punuar për të nxjerrë me djersën e ballit bukën e familjeve të tyre dhe atyre që po luftojnë për shëndetin e tyre.

Por, sot pas një ngjarjeje kaq tragjike, po shkëmbejmë disa të vërteta të mëdha. E gjithë qeveria nuk ka shpenzuar një fjalë të vetme për këta burra që humbën jetën, thjesht dhe vetëm për të nxjerrë bukën e gojës, duke punuar në kushte rreziku, që iu morën jetën. Pikërisht kjo qeveri, që ka qarë për një kërpudhë, që u morë me muaj për plagosje majë gishtash të një policeje, sot nuk kanë thënë asnjë fjalë për këta qytetarë.

Asnjë nuk shkon të vizitojë ata që ndodhen në spital. Sot këta njerëz zëre se nuk ekzistojnë për ta. Kemi përballë një shtet të pamëshirshëm, katil, të poshtër, që nuk do të dijë për qytetarin e zakonshëm. Ndaj, kurrë nuk duhet të na zërë gjumi se çfarë shteti kemi”, tha Vasili.

Të fundit