Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shembja e Teatrit Kombëtar, si e raportuan mediat e njohura nga bota

Politiko 17 Maj 2020, 17:42
Shembja e Teatrit Kombëtar, si e raportuan mediat e njohura nga bota

Shembja e Teatrit Kombëtar dhe përshkallëzimi i situatës me tension e arrestime u pasqyra edhe nga disa prej mediave kryesore të huaja.

Associated Press, ndër të tjera shkruan: “Vendimi i qeverisë për të shkatërruar Teatrin e vjetër Kombëtar, të ndërtuar nga italianët kur ata pushtuan Shqipërinë gjatë Luftës së Dytë Botërore, u kundërshtua nga artistë dhe të tjerë që e donin atë të rinovuar.

Një politikan i opozitës tha se 30 persona, përfshirë një gazetar, u arrestuan nga policia. Autoritetet nuk e kanë komentuar raportimin.

Pamjet televizive treguan Monika Kryemadhin, drejtuese e një partie të vogël opozitare dhe bashkëshorte e Presidentit të vendit, duke u futur në një furgon policie. Pozita e presidentit në Shqipëri është kryesisht një post ceremonial.

Drejtuesi i Partisë Demokratike të opozitës, Lulzim Basha, u kërkoi banorëve të rrëzonin qeverinë për shkatërrimin e teatrit.”

The Washington Post:

“Presidenti Ilir Meta e cilësoi lëvizjen e qeverisë së majtë të kryeministrit Edi Rama si "një krim kushtetues, ligjor dhe moral". Në një postim në Facebook, kryeministri Rama krahasoi pikëpamjet e vjetra dhe të rinovuara nga kryeqyteti,: "Ata nuk mund të ndalojnë Tiranën!" Një deklaratë nga zyra e Bashkimit Evropian në Tiranë shpreh keqardhje për prishjen e teatrit në një kohë kur ata kishin bërë thirrje për negociata me shoqërinë civile, dhe për partitë politike për të shmangur "përshkallëzimin e situatës", nënvizohet në artikull.

Agjencia e lajmeve Reuters shkruan për shembjen e Teatrit Kombëtar në Tiranë dhe tensionet që solli pas.

Në analizën e medias së huaj listohen reagimet kundër prishjes së godinës, plan i qeverisë pro një godinë të re dhe arrestimet e sotme si dhe dhuna e përdorur ndaj protestuesve dhe analistit Alfred Lela.

"Protestuesit kanë pohuar se me ligj kërkohet një periudhë gjashtë mujore që të miratohet një projekt i ri, dhe se qeveria nuk ka siguruar lejet e duhura për të realizuar prishjen.

Mariya Gabriel, Komisioneri i Inovacionit, Kërkimit, Kulturës, Edukimit dhe Rinisë së Bashkimit Evropian, javën e kaluar nxiti diskutime të mëtejshme para se të merrej ndonjë vendim mbi teatrin.

Kreu i Partisë Demokratike të Opozitës, Lulzim Basha nga ana tjetër deklaroi se prishja ishte e paligjshme, dhe gjithashtu “shkatërroi themelet e shoqërisë”, theksohet në shkrimin e Reuters.

Të fundit