Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shenjat më me fat për muajin nëntor sipas Meri Shehut

Politiko 1 Nëntor 2019, 20:54
Shenjat më me fat për muajin nëntor sipas Meri Shehut

Është traditë tashmë që në emisionin e pasdites në Klan tek "Rudina" çdo fillim muaji në studio ftohet Meri Shehu, e cila bën parashikimin e shenjave dhe tregon se cila është më me fat.

Si gjithmonë, Meri e vazhdon renditjen nga shenja më me pak me fat deri tek shenja më me fat për muajin.

E dymbëdhjeta është Demi:

Demët do jenë në një frymë antagoniste. Për këtë arsye, do ndiheni pak më të lodhur, krahasuar me muajt e kaluar. Në dashuri duhet të keni kujdes me marrëdhëniet që kanë pasur, sepse mund të keni krisje dhe keqkuptime. Por mund t’ju jepet dhe shansi për t’i rregulluar dhe marrëdhëniet, por nuk duhet të nisni një marrëdhënie të re, të paktën deri në datën 18 Nëntor. Tek paratë do jeni me fat gjatë këtij muaji.

Në vendin e njëmbëdhjetë qëndron Shigjetari

Nuk jeni në pozicion delikat sepse fundi i muajit do buzëqeshi për ju. Do keni shanse të mira erotike, ekonomike dhe bashkëpunime të mëdha. Keni probleme me veten, probleme psikologjike dhe çështje ligjore që mund të komplikohen. Për sa i përket shëndetit do përballeni me disa probleme kronike dhe psikologjike, por në dashuri do e keni zemrën plot.

I dhjeti është Bricjapi:

Duket sikur jeni në pozicion të vështirë, por do rregulloni marrëdhëniet me miqtë duke sjellë një hov më të madh dhe gëzim në jetën tuaj. Problem paraqesin lidhjet e jashtëligjshme, në lidhje me punën dhe fushën personale duke krijuar probleme. Për sa i përket shëndetit, gjithçka do shkojë shumë mirë. Dashuria do jetë pasionante dhe do shijoni një muaj shumë të këndshëm.

Teksa në vendin e nëntë është i pozicionuar Binjakët:

Do përfitoni para nga partneritetet dhe marrëveshjet shumë të mira. Duhet të keni kujdes me debatet dhe keqkuptimet në punë. Për ata që janë beqarë, dashuria shkon drejt lidhjeve serioze, fejesa dhe martesa. Shëndeti do jetë shumë i mirë.

Shenja e tetë është Dashi:

Nuk paraqiten probleme me shëndetin. Ky do jetë muaji, ku ju do rregulloni problemet tuaja ekonomike. Në dashuri do jeni flirtues dhe do keni të gjitha shanset për të qenë optimistë.

Të shtatët më me fat janë ata që kanë shenjën e Gaforres:

Do keni një muaj pasionant, por do keni dhe keqkuptime dhe probleme me persona nga lidhjet tuaja të mëparshme. Do shpërbleheni mirë për punën tuaj dhe madje mund të kërkoni dhe rritje rroge. Për ata që nuk kanë punë, kjo është periudha ku duhet të intesifikoni përpjekjet dhe kërkimet tuaja.

Në vendin e gjashtë pozicionohet shenja e Luanit:

Ky muaj fillon mjaft i fuqishëm për ju, në jetën personale. Do keni avantazhe për të udhëtuar, për të bërë njohje të reja dhe për të bërë gjërat që doni. Në fushën e karrierës do të keni një lajm të mirë në mes të muajit. Nuk do keni probleme shëndetësore.

Kësaj radhe, Ujori ka zbritur në vendin e pestë:

Do keni kundërshtime të forta dhe këto nuk do iu lenë të stabilizoheni ashtu siç doni. Por do arrini një pozicion të mirë, në mes të muajit dhe do të keni edhe ngritje në karrierë. Në dashuri jeni në një fazë të mirë sepse një person që e keni njohur në një rreth miqësor, mund të bëhet pjesë e jetës tuaj personale.

Në vendin e katërt është shenja Peshorja:

Jeni në një pozicion të mirë dhe do keni arritje, fitime, por do keni disa probleme të vogla, në dy javët e para të Nëntorit. Shmangni iniciativat, marrjen e kredive për më vonë.  

Ndërsa në vendin e tretë është shenja e Akrepit:

Ky është muaji juaj, por nuk do mungojë dhe konfuziteti. Do kenë disa keqkuptime në lidhje me marrëdhëniet. Shëndeti paraqitet shumë i mirë dhe duhet të kufizoni investimet.

Të dytët më me fat për këtë muaj janë ata që kanë shenjën e Virgjëreshës:

Kjo është periudha e qetësisë për ju. Nuk do mungojnë xhelozitë e vogla, por mos u shqetësoni. Do keni udhëtime, lajme të mira, kontakte me jashtë. Do stabilizoni marrëdhëniet familjare. Shëndeti do përmirësohet dhe jeni në një periudhë rikuperimi.

E ndërsa në vendin e parë, shenja më me fat për muajin nëntor janë Peshqit:

Do jetë një muaj shumë i mirë. Ekonomia do rritet si rrjedhojë e ndihmës nga jashtë, kreditimet e ndryshme, por edhe investime të ndryshme. Do rikuperoni boshllëqet ekonomike. Dashuria vjen nga larg dhe njohjet më të mira do ju vijnë nga dikush, që është jashtë dhe marrëdhëniet mund të bëhen serioze, duke shkuar drejt fejesës dhe martesës.

Të fundit