Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shkrimtari në protestën e opozitës: Barbarët kanë shkatërruar çdo gjë që kishte kujtesë në të gjithë Shqipërinë

Politiko 28 Mars 2019, 16:55
Shkrimtari në protestën e opozitës: Barbarët kanë

Shkrimtari Rudi Erebara, njëkohësisht një prej aktivistëve më të zëshëm për mbrojtjen e Teatrit Kombëtar, ka folur sot në protestën e opozitës, duke u shprehur se si dje fiks një vit, ka kërkuar mbështetjen e PD për kauzën e teatrit dhe janë bashkuar kundër diktaturës.

“Kemi  një vit që mbrojmë teatrin dhe një vit më parë, si dje një vit fiks, ishte Dita Ndërkombëtare e Teatrit. Atë ditë unë kërkova të kishim mbështetjen e Partisë Demokratike nga z. Berisha dhe nga z. Basha, dhe sot e kemi dhe jemi të gjithë bashkë kundër diktaturës. Një vit më parë na quajtën shpellarë ne që mbrojmë Teatrin. Barbarët që duan të shkatërrojnë dhe kanë kanë shkatërruar çdo gjë që kishte kujtesë në këtë qytet dhe në të gjithë Shqipërinë. Barbarët që shkatërruan sheshin “Skënderbej” dhe bënë kodra e fusha.

Barbarët që nuk kanë lënë vend pa mbjellë kulla. Barbarët që kanë mbyllur të gjitha institucionet  e artit me kryeministrin piktor. Barbarët që shkatërruan çdo strukturë juridike ku ne mund të drejtoheshim, të zgjidhnim problemin tonë të Teatrit. Ky Parlament për turp votoi dy herë një ligj special për të shembur historinë e këtij vendi. Ku parlament nuk ekziston më. E mbështes plotësisht qëndrimin tim si shkrimtar dhe qytetar, qëndrimin e opozitës që nuk ka zgjedhje me këtë qeveri. Rama ik! Ju falemnderit”, shprehet Erebara.

Të fundit