Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shoqatat e Medias mbështesin gazetarin e 'dëshmitarit X‘: ka presion politik

Politiko 19 Maj 2018, 19:49
Shoqatat e Medias mbështesin gazetarin e 'dëshmitarit X‘:

Dy shoqata gazetarësh, ajo e Gazetarëve Profesionistë dhe Lidhja  e Gazetarëve të Shqipërisë janë bërë bashkë në mbështetje të kolegut, Jetmir Olldashi i cili kreu investigimin që çoi në ekspozimin e emrit të vëllait të ministrit të Brendshëm, Fatmir Xhafaj. Në deklaratën e shoqatave të gazetarëve theksohet se Olldashi po përballet me presion publik të nxitur nga interesa e emocione politike.

Deklarata e plotë:

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë, mbështesin kolegun, gazetarin Jetmir Olldashi, që pas rrëfimit publik mbi investigimin për trafikun e drogës në qytetin e Vlorës, por përballet me një presion të padenjë publik, të nxitur nga emocione e interesa politike.

Ne vlerësojmë kurajon dhe profesionalizmin e cdo gazetari në vend që përpiqet të lëvrojë një zhanër aq të vështirë, e pse jo të rrezikshëm sic është investigimi. Ne përshëndesim kurajon e kolegut Jetmir Olldashi për të përcjellë e mbrojtur publikisht etapat e punës së tij, nga ku doli edhe emri i vëllait të ministrit të brendshëm, në një moment jo të lehtë tensioni politik në vend, e duke marrë edhe koston e një presioni paragjykues publik, fatkeqësisht edhe nga kolegë të profesionit.

Inkurajojmë të gjithë kolegët gazetarë, të mos intimidohen në punën e tyre, pasi e vërteta dhe profesionalizmi janë aleati më i fortë, që kanë përballë publikut, i vetmi aktor për të cilin ky profesion aspak i lehtë në ditët e sotme, merr vlerën që i takon.

Të fundit