Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shoqëria Civile e skuqi me bojë të kuqe, reagon Ministria e Drejtësisë

Politiko 4 Shtator 2017, 20:25

Shoqëria Civile e skuqi me bojë të kuqe, reagon Ministria e

Ministrinë e Drejtësisë ka reaguar pas protestës së Shoqërisë Civile kundër dhunës ndaj gruas, ku protestuesit qëlluan me bojë të kuqe në drejtim të institucionit.

Përmes një reagimi për mediat Ministria sqaron se mbështet çdo organizim të shoqërisë civile kundër dhunës në familje dhe mosveprimit të autoriteteve publike për parandalimin dhe ndjekjen ligjore të këtyre rasteve.

Ministria e Drejtësisë shkruan në deklaratë se shoqëria cilvile se po i akuzon padrejtësisht për përgjegjësi që sipas tyre nuk i ka.

Reagimi i Plotë i Minstrisë së Drejtësisë:

Ministria e Drejtesisë ka mbështetur dhe mbështet çdo organizim të shoqërisë civile, kundër dhunës në familje dhe mosveprimit të autoriteteve publike për parandalimin dhe ndjekjen ligjore të këtyre rasteve. Ritheksojmë qëndrimin tonë të shprehur edhe më parë, se çdo organ publik që nuk ka përmbushur përgjegjësitë sipas ligjit, përfshirë ketu edhe sistemin gjyqësor, duhet të përgjigjet administrativisht dhe penalisht për mosveprim.

Ministria e Drejtësisë sqaron opinion publik se ka ushtruar dhe do të ushtrojë të gjitha përgjegjësitë që i ngarkon ligji në fuqi lidhur me rastet e dhunës në familje. Sipas legjislacionit në fuqi, Ministria e Drejtësisë ka përgjegjësinë e trajnimit të stafit mjeko-ligjor dhe përmbaruesve gjyqësore, si dhe të financojë mbrojtjen ligjore falas ndaj grave të dhunuara. Këto përgjegjësi janë ushtruar me përgjegjshmëri dhe në të njëjtën mënyrë do të vijojnë të ushtrohen edhe në të ardhmen.

Lëvizja e sotme e shoqërisë civile, ku gabimisht iu kerkua llogari Ministrisë së Drejtësisë për përgjegjësi qe nuk i ka, apo kompetenca që nuk i disponon, nëpërmjet simbolikës së ngjyrosjes me bojë të kuqe të godinës së Ministrisë së Drejtësisë, nxjerr në pah nevojën e menjëhershme për të sqaruar mekanizmat dhe autoritetet përgjegjëse për parandalimin dhe ndjekjen e rasteve të dhunës në familje. Të gjithë bashkë, duke përfshirë edhe shoqërinë civile, duhet të bëjmë më shumë në këtë drejtim, për të sqaruar në detaje veprimet dhe mekanizmat ligjore në dispozicion të të dhunuarve në familje.

Ministria e Drejtësisë shpreh mbështetjen e saj ndaj shoqërisë civile, për të ndërmarrë veprime të përbashkëta, në kuadër të përmirësimit të legjislacionit në fushën e dhunës në familje, si dhe gjen rastin të shprehë gadishmërinë e saj për të ndërmarrë çdo masë ligjore në këtë drejtim. Në të njëjtën mënyre, duhet të veprojnë të gjitha autoritetet përgjegjëse në këtë fushë, të cilat kanë përgjegjësi ligjore në kuptim të ligjit nr. 9669/2006.

Ministria e Drejtësisë inkurajon organet shtetërore dhe shoqërine civile, në forcimin e bashkëpunimin për luftë me tolerance zero ndaj dhunës në familje.