Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shpërndanin kokainë në Tiranë, arrestohet komando dhe shoku i tij

Politiko 3 Tetor 2017, 11:34

Dy të rinj, të dyshuar si shpërndarës të drogave të forta janë vënë në pranga sot gjatë operacionit antidrogë të koduar “Tekstili”. Një prej tyre rezulton ushtar profesionist në Komandën e Forcave Tokësore. Gjithashtu policia ka sekuestruar drogë dhe armë. Seksioni për hetimin e narkotikëve në bashkëpunim me komisariatin nr.6, pranë Drejtorisë Vendore të Policisë Tiranë, kanë arrestuar sot shtetasit:

1- Xhuljano Kasa, 22 vjeç, banues në Tiranë (me funksion ushtar profesionist në Komandën e Forcave Tokësore). Kasaj nga Memaliaj, ishte ushtar profesionist pranë Komandës së Forcave Tokësore në Zallherr dhe kjo punë e ka ndihmuar edhe në ushtrimin e aktivitetit të jashtëligjshëm pasi sipas policisë, kur ndalohej për kontroll nxirrte dokumentin e punës për të shpëtuar. Kasaj ka disa profile në rrjetet sociale dhe nuk mungojnë fotot e shumta nga jeta e përditshme. Në një prej tyre 22-vjeçari shfaqet në një aktivitet partiak në tubimin e Partisë Socialiste, çka për Forcat e Armatosura është e ndaluar.

2- Denis Kanani, 21 vjeç, banues në Tiranë.

Këta dy shtetas janë konstatuar të ulur në një lokal në rrugën “Llambi Bonata”, ku gjatë kontrollit të ushtruar nga shërbimet e policisë, në tavolinën ku këta dy shtetas ishin ulur janë gjetur qese të tejdukshme me lëndë të dyshuar narkotike, të mbuluara me një xhup.

Në vijim janë ushtruar kontrolle në banesat e dy shtetasve të mësipërm ku:

Gjatë kontrollit të ushtruar në banesën e shtetasit Xhuljano Kasa, poshtë dyshekut të krevatit është gjetur një qese me sasi të konsiderueshme pluhuri të bardhë, (i ndarë në doza) dhe një dokument identifikimi ushtarak, të cilin e paraqiste për t’iu shmangur kontrolleve të policisë, ndërsa gjatë kontrollit të ushtruar në banesën e shtetasit Denis Kanani, është gjetur një pistoletë e tipit “Magnum”, me kalibër 9 mm.

Janë sekuestruar në cilësinë e provës materiale:

– 79 gramë lëndë e dyshuar narkotike e llojit kokainë.

– 582 lëndë e dyshuar narkotike e llojit Cannabis Sativa.

– pistoletë e llojit “Magnum”, e kalibrit 9 mm.

– 3 telefona celularë.

– dokument identifikimi ushtarak (i shtetasit Xhuljano Kasa).

Materialet iu referuan Prokurorisë së Rrethit Gjyqësorë Tiranë, në ngarkim të shtetasve të lartpërmendur për veprat penale “Prodhim dhe shitje lëndësh narkotike e kryer në bashkëpunim” dhe “Prodhim dhe mbajtja pa leje e armëve dhe municionit luftarak”.