Shqetësim në Gjermani, vendi në prag të recensionit

Gjermania është në prag të recensionit. Qeveria gjermane pret që ekonomia më e madhe e BE-së të kalojë në recesion në tremujorin e tretë.

Revista “Der Spiegel” raporton se prodhimi gjerman ra me 0.1% në periudhën prill-qershor, për shkak të rënies së eksporteve. Gjithsesi, qeveria gjermane ende nuk parashikon një krizë të rëndë ekonomike, vetëm nëse konfliktet botërore të tregtisë të mos përshkallëzohen, e gjithashtu nëse Britania e Madhe nuk e lë Bashkimin Evropian pa marrëveshje, thuhet në raport.

Për këtë arsye, qeveria gjermane nuk sheh asnjë arsye për masa afatshkurtra për të stabilizuar ekonominë.

Ditë më parë, tregjet e aksioneve në Evropë pësuan rënie, të nxitura nga frika e investitorëve për një recesion botëror. Rënia e shitjes në nivel botëror erdhi mes shqetësimeve për luftën tregtare të SHBA-së dhe Kinës dhe ekonominë botërore në përgjithësi. Në të shkuarën,lëvizje të tilla kanë qenë një tregues i besueshëm i recesioneve të mundshme.