Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëri e turpshme, nuk fitojmë dot ndaj modestëve nga Andorra

Politiko 14 Nëntor 2019, 22:49
Shqipëri e turpshme, nuk fitojmë dot ndaj modestëve nga Andorra

Drejtuesit e Federatës kërkonin prej ditësh sa më shumë mbështetje ndaj Andorrës në "Elbasan Arena", sikur e kishin parashikuar se ndeshja e sotme e kombëtares sonë do të ishte skandaloze.

Kuqezinjtë e drejtuar nga trajneri Reja nuk arritën më shumë se një barazim 2-2 ndaj kombëtares modeste, e cila me zor numëron 11 burra për t'i bashkuar në një skuadër futbolli, ndërsa ne kontrollojmë emra nga e gjithë Europa.

Shqipërisë i mungoi jo thjesht egoja, por edhe dëshira për të bërë një lojë bindëse para testit më të madh të kësaj vjeshte, atë me Francën në stadiumin e ri. Goli i shpejtë i Balajt krijoi iluzione në të 6', kur tanët gjetën golin e parë. U duk se me Andorrën do të ishte e lehtë, por jo.

Miqtë barazuan pas 12 minutash me Martinezin, lojtar i cili jo vetëm mbylli pjesën e parë me një gol të bukur pas një kundërsulmi model, por edhe shënoi golin e avantazhit për Andorrën me të nisur pjesa e dytë.

Kjo i shokoi djemtë kuqezi, të cilët dukej sikur po pozonin në fushë, gjoja sikur po tregonin se dinë të fitojnë edhe duke mbajtur disa "yje" në stol. Ata u zgjuan vetëm nga fundi dhe arritën të barazonin me Manajn, por ky rezultat nuk na shkon për shtat.

Federata dhe futbollistët tanë nuk duhet të na thërrasin në stadiume me kaq eufori herët e tjera, të paktën jo me kaq shumë pompozitet dhe video motivuese, nëse bëhet fjalë për të ndjekur një turp si ky i sotmi.

Të fundit