Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëri – Kosovë ose miqësorja mes vëllezërve të inatosur

Politiko 27 Maj 2018, 19:52
Shqipëri – Kosovë ose miqësorja mes vëllezërve

Të martën në mbrëmje në orën 20:00, Kombëtarja e Shqipërisë dhe përfaqësuesja e Kosovës do të luajnë një ndeshje miqësore në Zyrih të Zvicrës, teksa raportohet se deri tani janë shitur mbi 30 mijë bileta.

Megjithatë, ndeshja ‘vëllazërorë’ po percpetohet në mënyra të ndryshme nga dy kampet. Ish-futbollisti i Skënderbeut, Bernard Berisha që aktualisht aktivizohet në Rusi e konsideron si një përballje të radhës, pa ndonjë rëndësi të veçantë, shkruan Politiko.al.

“Do të jetë një ndeshje si gjithë të tjerat, që do t’i shërbejë trajnerit për të parë gjendjen e lojtarëve. Një ndeshje pa ndonjë rëndësi të veçantë dhe secili ekip do të përpiqet të fitojë. E rëndësishme është që të pranishmit të kënaqen. Si ndaj Shqipërisë, ashtu edhe ndaj çdo kundërshtari tjetër, duhet dhënë maksimumi në fushë për Kosovën. Nëse vjen në ekipin kombëtar me dëshirë, atëherë gjërat shkojnë mirë. Ne po përgatitemi për të dhënë gjithçka në këto ndeshje miqësore që kemi në program”, ka thënë shkurt Berisha për “Supersport”.

Një tjetër ndjesi ka sulmuesi Sokol Cikalleshi, që luan në Turqi me ekipin e Osmanlinsporit. ““Ndeshja e parë me Kosovën është disi më interesante, konsiderohet vëllazërore, por do të jetë e luftuar në fushë. Edhe atmosfera në tribunë do të jetë shumë e bukur. Uroj të marrim rezultat pozitiv”, pohon Cikalleshi.

Pjesë e listës së Panuçit për këtë takim janë 11 lojtarë me origjinë nga Kosova: Etrit Berisha (portier), Bujar Lika (mbrojtës), Berat Xhimshiti (mbrojtës), Arlind Ajeti (mbrojtës), Frederik Veseli (mbrojtës), Mërgim Mavraj (mbrojtës), Ezon Binaku (mbrojtës), Ylber Ramadani (mesfushor), Kamer Qaka (mesfushor), Ermir Lenjani (mesfushor) dhe Enis Gavazaj (sulmues).

Ndërsa, pjesë e Kosovës do të jenë 7 futbollistë që në të kaluarën janë aktivizuar me ekipin kuqezi: Samir Ujkani (portier), Amir Rrahmani (mbrojtës), Fidan Aliti (mbrojtës), Mërgim Vojvoda (mbrojtës), Herolind Shala (mesfushor), Gjelbrin Taipi (mesfushor) dhe Milot Rashica (mesfushor).

Një tjerër çështje që nuk u prit mirë nga ana e federatës së Kosovës ishte fakti se trajneri Kristian Panuçi kërkoi zyrtarisht dy lojtarët: Ardian Ismaili (mbrojtës) dhe Edon Zhegova (mesfushor); lëvizje e cila u konsiderua si ndërhyrje e panevojshme nga pala kosovare.

Të fundit