Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Shqipëria është kthyer në bazë të drogës”, Lulzim Basha kërkon largimin e Edi Ramës: E vetmja mënyrë për të zgjidhur këtë problem

Politiko 1 Mars 2018, 14:18
“Shqipëria është kthyer në bazë të

Kreu i opozitës, Lulzim Basha ka folur sot përpara medieve për sekuestrimin e 613 kilogram kokainë në Maminas të Durrësit, duke e konsideruar si një zhvillim që konfirmon se Shqipëria është kthyer në një bazë të trafikut të drogës në Europë. Basha tha se kjo ngjarje konfirmon se kanalizimi i vendit ishte vetëm fillimi, pasi tani janë kokaina dhe heroina aktivitetet kryesore të krimit të organizuar në Shqipëri.

Problemi zgjidhet vetëm duke larguar Edi Ramën, tha Basha, ndërsa solli në vëmendje se kokaina e Maminasit do të ketë të njëjtin përfundim si “Xibraka”, ku u arrestuan punëtorët, por jo bosët dhe “peshqit e mëdhenj”.

“Shqipëria po kalon nga kanabisi te kokaina dhe heroina. Kanabisi ishte vetëm fillimi, tani kokaina dhe heroina janë aktivitetet kryesore. Biznesi dhe krimi janë bërë një dhe kjo nuk konfirmohet vetëm nga përfshirja e biznesmenit, por edhe sepse kjo sasi nuk mund të kalonte në Shqipëri pa një garanci të nivelit të lartë. Ku do të pastrohen këto para? Së pari në lavatriçen e madhe të pastrimit të parave, në bashkinë e Tiranës, e cila ka dyfishuar dhënien e lejeve të ndërtimit. Po pastrohen miliona euro duke shkatërruar ekonominë. Kjo vërteton atë që thonë raportet ndërkombëtare se Shqipëria është kthyer në bazë të shpërndarjes së drogës në Europë. Shqipëria shërben si bazë për paketimin dhe dërgimin drejt vende të BE-së. Këtë kemi patur parasysh kur thonim se Shqipëria me Edi Ramën është kthyer në bazë të krimit të organizuar. Natyrisht, si në rastin e Xibrakës, është arrestuar shoferi, por jo bosi, dhe aq më pak “peshqit e mëdhenj”. Problemi zgjidhet vetëm duke larguar Edi Ramën”, tha ndër të tjera Basha.

Kryedemokrati foli edhe për aksionin e zhvilluar sot në Itali, ku janë sekuestruar 5 ton kanabis, ndërkohë që në pranga ka rënë edhe ish-shefi i Antidrogës në Policinë e Vlorës, Adrian Liçaj.

“Sot janë kapur 5 ton në Itali, përflitet që janë arrestuar figura të rëndësishme në Policinë e Shtetit, pritet të konfirmohet ky informacion”, tha Basha.

Të fundit