Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Shqipëria është vajzë, grua, nënë", Hajdarmataj: Thirrje për të gjitha gratë e pushtetshme!

Politiko 28 Shtator 2018, 15:07
"Shqipëria është vajzë, grua, nënë",

Drejtoresha e qendrës “Gratë në shërbimin publik” Mimoza Hajdarmataj i ka bërë thirrje të gjitha grave të pushtetshme, për t’i dalë në mbrojtje një bije shqiptarësh, Xhisiela Malokut.

Nëpërmjet një reagimi në Facebook, Hajdarmataj i drejtohet kryeprokurores Arta Marku, Avokates së Popullit, e Vasilika Hysit që të reagojnë për Xhisielën si dhe të gjitha vajzave të tjera shqiptare.

Reagimi i Mimoza Hajdarmataj:  

THIRRJE për të gjitha gratë e pushtetshme, për t’i dalë në mbrojtje një bije shqiptarësh, Xhiselës, të dhunuar e të kërcënuar- sepse ato paguhen edhe me taksat e nënës së saj!

THIRRJA e parë për znj. ARTA Marku, të hetojë dhe të zbardhë sa më parë të vërtetën dhe autorët e dhunës së shumëfishtë të ushtruar ndaj Xhesilës- Krimi nuk duhet të ketë imunitet!

THIRRJA e dytë për Avokaten e Popullit, të veprojë me autoritetin e institucionit, për sigurinë dhe mbrojtjen e integritetit njerëzor të Xhiselës dhe familjes së saj!

THIRRJA e tretë për gratë zëvendësministre të Punëve të Brendshme- ndikoni të zbardhet e vërteta dhe mos e shtyni më në kanalet e manipulimit politiko mediatik!

THIRRJA e katërt për nënkryetaren e Kuvendit znj. Vasilika Hysi dhe të gjitha deputetet e Kuvendit- ndërhyni sa më parë për plotësimin e mekanizmave ligjzbatuese kundër dhunës.

THIRRJA e pestë .për gratë e shoqërisë civile dhe medias- mos ta lëmë Xhiselën të vetme, një zë në shkretëtirë... Ti gjendemi pranë në dhimbjen dhe frikën e saj!

Mbrojini vajzat!

Mbrojini gratë!

Mbrojini nënat!

Shqipëria është " vajzë", " grua", " nënë".

Boll plagë ka marrë ky vend!

Të fundit