Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëria në BE? Holanda nuk ndryshon qëndrim: Presim raportin e KE, dhe më pas e diskutojmë

Politiko 7 Maj 2019, 16:56

Shqipëria në BE? Holanda nuk ndryshon qëndrim: Presim raportin e

Holanda vijon të jetë skeptike për çeljen e diskutimeve për Shqipërinë në Bashkimin Europian.

Sipas përfaqësuesit të delegacionit holandez në Tiranë, Anne Mulder, Holanda po pret raport-progresin e Komisionit Europian, i cili do të publikohet në javët në vijim, dhe më pas do t’a diskutojnë në parlamentin e tyre, por pa dhënë shpresë.

“Tashmë i takon Komisionit Europian të bëjë vlerësimin e tij dhe të propozojë një rekomandim në lidhje me Shqipërinë. Ne po presim për raport progresin e Komisionit Europian, i cili do të publikohet në javët në vijim, dhe më pas ne do ta diskutojmë atë edhe në parlamentin tonë”, shkruhet ndër të tjera në deklaratën për median.

Kujtojmë se Holanda dhe Franca janë ndër shtetet më skeptike për Shqipërinë në BE.

Deklarata për median e delegacionit holandez:

Zonja dhe Zoterinj,

Dëshiroj t’ju përcjell një deklaratë të shkurtër në lidhje me vizitën tonë në Shqipëri gjatë ditës së djeshme dhe sot.

Së pari, më lejoni të përcjell falenderimet tona për autoritetet shqiptare për mikpritjen e ngrohtë që na kanë përcjellë. Ne e kemi vlerësuar shumë këtë gjë.

Ne jemi sot këtu me ftesë të parlamentit shqiptar, ftesë e cila i është dërguar Komisionit për Cështjet Europiane të Dhomës së Ulët të Parlamentit të Hollandës në fillim të këtij viti. Komisioni më ngarkoi mua si Raportues për Ballkanin Perëndimor që së bashku me kryetarin e këtij Komisioni të marrim pjesë në këtë vizitë, në emër të komisionit. Sot pas dreke, ne do të udhëtojmë për në Maqedoninë e Veriut për të vijuar me një vizitë të ngjashme.

Qëllimi dhe tematika e kësaj vizite ka të bëjë me procesin e pranimit të Shqipërisë në BE dhe axhendën e reformave. Ne jemi këtu të vazhdojmë dialogun mbi këto çështje të rëndësishme, duke patur parasysh rekomandimin e Komisionit Europian mbi hapjen e negociatave. Takimet që ne patëm me parlamentin shqiptar dhe qeverinë ishin shumë të dobishme dhe frutdhënëse.

Ne jemi në dijeni të faktit që votimi në parlamentin hollandez për çështjen e liberalizimit të vizave ka tërhequr shumë vëmendje në Shqipëri. Gjithsesi, kjo nuk ka qënë arsyeja e vizitës sonë dhe as ka qënë një çështje që ne e kemi ngritur apo diskutuar gjerësisht në takimet që patëm. Jam i sigurtë se kjo çështje do të jetë në axhendën e vizitës së parlamentit shqiptar në Hollandë në fund të këtij muaji.

Për të përfunduar, ne patëm një sërë takimesh interesante dhe shkëmbime pikpamjesh me aktorët shqiptarë gjatë ditës së djeshme dhe sot. Një raport i përgjithshëm i vizitës sonë të punës ne Shqipëri do të publikohet në faqen e internetit të Parlamentit hollandez në javët që vijojnë.

Edhe një herë, dëshiroj të shpreh falenderimet tona për parlamentin shqiptar, qeverinë, opozitën dhe organizatat e shoqërisë civile për kohën që na kushtuan dhe bisedat që patëm me ta në Tiranë.

Ne deshmuam një dëshirë/motivim të madh nga autoritetet shqiptare për të vijuar me plotësimin e piroriteteve kyçe të vendosura nga Bashkimi Europian. Ne i urojmë Shqipërisë shumë suksese në zbatimin e axhendës së reformave.

Tashmë i takon Komisionit Europian të bëjë vlerësimin e tij dhe të propozojë një rekomandim në lidhje me Shqipërinë. Ne po presim për raport progresin e Komisionit Europian, i cili do të publikohet në javët në vijim, dhe më pas ne do ta diskutojmë atë edhe në parlamentin tonë.

Faleminderit për vëmendjen!