Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqiptarët të fiksuar pas origjinalitetit, synojnë orët luksoze zvicerane

Politiko 10 Janar 2018, 13:37

Ndonëse në Shqipëri ka dhe shtresa të varfëra të popullsisë, ata të cilët janë më mirë ekonomikisht (jo domosdoshmërisht), synojnë drejt mjeteve të luksit. Këtë e tregon dhe importi i orëve i cili është rritur me 70%.

 Sipas të dhënave nga Dogana, importet e orëve në Shqipëri u rritën me 71% në 2016-n në krahasim me pesë vite më parë. Zyrtarisht importet shënuan një vlerë prej 3.3 milionë dollarë, nga 1.9 që kishin qenë në 2012-n, shkruan Monitor.

Orët, veçanërisht ato të prodhuara nga kompani me emër, janë një mënyrë e mirë “për t’u dukur” dhe me sa duket, “milionerët e rinj” në qarkullim kanë rritur importet në vend.  Blerësit e produkteve të luksit janë kryesisht ata persona me të ardhura të larta ekonomike, por ka dhe nga ata që janë të fiksuar pas origjinalitetit, shumë prej të cilëve e bëjnë dhe për t’u dukur.

Kur flasim për orë luksi, sigurisht që Zvicra dhe Kina mbeten partnerët kryesorë.  Zvicra është e njohur për markat e njohura të orëve si Rolex, Audemars Piguet, Breitling, Chopard etj. Në periudhën kohore 2012-2016, importet e orëve nga Zvicra llogariten të jenë rreth 4.5 milionë dollarë.

Vendi me peshë të lartë për sa u përket importeve në vend është Kina. Në dallim prej Zvicrës, Kina është e njohur për imitacionet e markave të famshme të orëve. Të dy vendet së bashku përbëjnë mbi 65% të totalit të importeve. Nga të dhënat e Doganës importet e orëve nga Kina kapën vlerën e 1.18 milionë dollarë.

Të fundit