Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shtatë mrekullitë e reja të botës

Politiko 1 Janar 2020, 11:07

Muri i Madh kinez; Taxh Mahal; Petra; Koloseu; Krishti shpëtimtar; Çiçen Itza; Maçu Piçu. Këto vende dhe monumente njihen anembanë si “Shtatë mrekullitë e reja të botës”. Këto janë shtojca moderne të shtatë mrekullive të botës së Antikitetit, të rrëfyera nga Pilo i Bizantit. Mrekullitë e reja u përzgjodhën në vitin 2007 në një konkurrim online nga kompania zvicerane “Fondacioni shtatë mrekullitë e reja” në të cilin votuan më shumë se 10 milionë persona. Të gjitha janë trashëgimi kulturore të Unesco-s. Ato janë të ndërtuara në 4 kontinente, shumica nga perandori të lashtësisë dhe të Mesjetës, e këto vende të përzgjedhura janë mrekulli arkitekturore e po ashtu ndër destinacionet turistike më tërheqëse të botës.

Muri i Madh i Kinës

Muri i madh i Kinës u ndërtua nga viti 220 para Krishtit deri në vitin 1644 nga disa perandorë dhe dinasti. Janë me dhjetëra milionë turistë të cilët e vizitojnë, këtë monument masiv, i cili është kthyer në një simbol kombëtar të Kinës. Që ai të mund të përfundohej, janë dashur 1800 vite, e gjatësia e mureve të ngritur njëri sipër tjetrit llogaritet se shkon nga 10 000 km deri në 20 000 km. Arkitektët ia kanë dalë që të shfrytëzojnë më së miri terrenin natyror për ta ndërtuar atë. Pjesa e ruajtur më mirë e murit nis nga lindja në perëndim nga provinca juglindore e Liaoningut për në provincën veriperëndimore të Gansusë. Dinastia Ming i forcoi dhe i mirëmbajti këto seksione nga viti 1368 deri në 1644.

Taxh Mahali, Indi

Taxh Mahali nisi të ndërtohej në vitin 1632 dhe përfundoi në 1648. Perandori i Mughalit, Shah Jahan financoi ndërtimin e saj. Kjo ndërtesë është një nga arritjet më madhështore arkitekturore të perandorisë mughale, që sundoi në shumicën e nënkontinentit indian në vitet 1526-1761. U deshën rreth 20 mijë punëtorë dhe 16 vite që ajo të ngrohej. Ndërtesa reflekton stilin arkitekturor të Mughalit, duke i mëshuar simetrisë dhe balancës.

Petra, Jordan

Qyteti i Petras u ndërtua në shekullin e IV para lindjes së Krishtit deri në shekullin e II pas lindjes së Krishtit nga mbretëria nabateane. Nabaetanët jetuan në luginën Uadi Musa për më shumë se 400 vite, në një pikë strategjike, ku kalonin karvanët e tregtarëve me mëndafsh dhe erëza. Qyteti u pushtua nga perandoria romake në vitin 106 pas lindjes së Krishtit. Fasadat me stil helenik janë gdhendur direkt brenda kanioneve dhe orientimi bëhet falë terrenit natyror. Në ditët e sotme monumentet rrezikohen nga përmbytjet e shpeshta në luginën e Uadi Musa-s, e po ashtu nga erozioni i vazhdueshëm. Paqëndrueshmëria në Lindjen e Mesme ka ndikuar në uljen e numrit të vizitorëve.

Koloseu, Itali

U ndërtua në vitet 72-82 pas lindjes së Krishtit gjatë shekullit të parë të perandorisë romake. Koloseu një amfiteatër me radhë harqesh e gjysmështylla, është një shembull i risisë në ndërtim të Perandorisë Romake. Në të luftonin gladiatorët e po ashtu përdorej për shfaqje ku gjuheshin kafshë të egra, që kënaqnin popullin romak. Gjithashtu aty janë kryer ekzekutime publike; të gjitha këto vazhduan për katër shekuj. Pas rënies së perandorisë romake, u përdor përkohësisht si një kompleks banesash. Për shkak të dëmtimeve nga tërmetet dhe gërmimet nëntokë, tanimë është e ngritur vetëm 1/3 e strukturës origjinale.

Krishti shpëtimtar, Brazil

Monumenti u ndërtua në vitet 1926-31 me financimin e Kishës Katolike të Rio de Zhaneiros. Statuja është e gjatë 39 metra, shumë e njohur jo vetëm në Brazil, por edhe në të gjithë botën. Ajo peshon 1145 tonë, ndërkohë që të mund të mbahej e fiksuar, për shkak të krahëve të hapur, inxhinierët u detyruan të përdornin si përforcim një sasi të madhe betoni. Konsiderohet piktura më e madhe Art Deco (stil arti dekorativ dhe arkitekturor, që karakterizohet nga forma gjeometrike dhe kompozim i te thjeshtë) në botë. Statuja gjendet në majë të një mali 710 metra të lartë, që e bën të prekshëm nga dëmet nga vetëtimat dhe moti i keq.

Çiçen Itza, Meksikë

Qyteti i lashtë i qytetërimit Maja – Toltek u ndërtua nga shekulli i 5 deri në të 13. Ai lulëzoi deri në vitin 1200. Vendbanimi ishte braktisur, kur në Meksikë mbërritën konkuistadorët spanjollë në shekullin e 16-të. Gërmimet arkeologjike nisën në shekullin e 19-të. Gërmadhat shfaqin tempuj religjiozë, të cilët paraqesin më së miri inovacionin e Majave në astronomi dhe shkencë. Tempulli i Kukulkán ka 365 shkallë, një shkallë për secilën ditë në kalendarin diellor Haab. Në krye të tempullit, është gdhendur Kukulkán, i njohur po ashtu si Quetzalcoatl, zoti me pamje gjarpri e me pendë i Majave.

Maçu Piçu, Peru

Vendbanimi inkas u ndërtua në mes të shekullit të 15-të. Është një ndër të paktët që kanë ngelur të paprekur. Ai ndodhet në lindje të maleve Ande, e mendohet se ishte një vend që përdorej nga perandori inkas Pachacuti Inca Yupanqui, për të pushuar. U përdor për gati 100 vite e më pas u braktis. Edhe pse perandoria inkase u nënshtrua nga spanjollët më 1532, këta të fundit nuk arritën që ta gjenin këtë vendbanim, i cii u zbulua vetëm në 1911. Arkitektura ishte integruar brenda terrenit natyror, muret dhe verandat janë të “prera” brena shkëmbit. Mund të arrihet duke ndjekur shtegun e inkasove përgjatë Andeve, ose me tren.