Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shtatë premtime që zotohem se (nuk) do të mbaj gjatë 2018

Politiko 1 Janar 2018, 14:34

Është dita e parë e 2018, që do të thotë se jemi mu në fillim të rrugës 365 ditëshe për të plotësuar të gjitha premtimet dhe vendimet që kemi marrë në dhjetor 2016. Unë, duke qënë se e kam plotësuar mosrealizimin e premtimeve të bëra për 2017, kam vendosur të bëj listën e premtimeve që (nuk) do të mbaj në 2018.

  1. Do të ndjek palestrën rregullisht

E di, më 5 janar do të regjistrohem në palestër, do ta ndjek rregullisht për një muaj, kohë gjatë të cilës do të bëj “uff e puff” në Facebook, dhe pastaj do ta lë. Do ta lë sepse një ditë do më duhet të punoj vonë në zyrë. Një tjetër ditë do të dal për darkë me miq, pastaj është edhe ajo gota e verës që kam lënë me atë shoqen. Është dhe ajo dita që do jem pa qejf, e ndjekur nga viti “Më lini të jem e lumtur në derrlikun tim”...dhe ja ku erdhi dhjetori i 2018, dhe unë dhe palestra bëjmë një vit të ndara.

 

 

  1. Do të kursej para

Zbatimi i këtij premtimi nuk fillon në janar, se rroga me të cilën duhet të jetoj në janar është harxhuar që në dhjetor. Rroftë shkurti, që është i shkurtër dhe na ndihmon të kursejmë ca. Por, pastaj vjen marsi, prilli dhe maji, me atë kohën e tyre të ngrohtë, e cila me patjetër duhet shoqëruar me fundjava jashtë. Dhe fundjavat jashtë duhet shoqëruar me dreka e darka, dhe shoqëria e mirë e meriton verën e mirë. Dhe gjithë këto të mira patjetër duan ca rroba të lezetçme, se ato qe kemi në dollap nuk na hyjnë më në sy. Pastaj vjen vera dhe pushimet...shtatori, i cili kërkon rroba të reja...si  mund të kursej kur kam shumë muaj për të mbajtur me rroba???

 

 

  1. Do të mësoj diçka të re

Kam kohë që mendoj që të mësoj një gjuhë të huaj, se anglishtja dhe italishtja as nuk na quhen më. Do më pëlqente ta kuptoja ç’thoshte idhulli im, Angela Merkel, pa ndërmjetësinë e përkthyesit. Të këndoja të saktë, nga fillimi në fund, këngën “Und Warrum” të Tic Tac Toe. Kështu që këtë vit do të futem në një kurs gjermanishteje. Në kurs do të jem e vetmja që nuk punon në sektorin e Shëndetësisë. Gjithashtu, do të jem e vetmja që do të zhduket pas një muaji. Sepse e di, ashtu si edhe me palestrën, që do më dalë një punë. Pastaj do i thërras mendjes: po kam moshë unë për të mësuar gjuhë të huaj? Po të ishte për të mësuar do e kisha mësuar në gjimnaz. Plus, gjermanishtja është shumë e vështirë. Pak lodhem në punë unë, duhet të lodhem edhe në kurs? Më mirë t’i kursej këto lekë dhe ta lë kursin.

 

 

  1. Të shpenzoj më shumë kohë me familjen

Ky premtim është më shumë për t’i bërë qejfin sime mëje se sa për mua. Dhe është një premtim që unë e bëj me zor dhe pas shumë “seancash morali” nga anëtarët e tjerë të familjes. Kështu që, muajt e parë të janarit do qëndroj më shumë në shpi me ta (kuptohet, pasi të kem mbaruar me palestrën), do mblidhem për darkë në shtëpi dhe të shtunën, kafen e mëngjesit do e pi me ta. Por, me të mbaruar muajt e parë (i quaj muaj se aq të gjata më duken ato ditë), unë do të kthehem te vetja ime dhe do të shihem me familjen një herë në javë, megjithëse jetojmë në një shtëpi. Edhe kaq ata duhet ta vlerësojnë, se unë mund t’i rregulloj gjërat që të shihemi veç një herë në muaj...në Skype!

 

 

  1. Të pi më pak

Nëse premtimi i katërt ishte për time më, ky është për mëlçinë time (ok, edhe për lëkurën, se dhe ajo ka filluar të bëjë numra pas një nate vere). Por, publikisht, i premtoj mëlçisë që në janar nuk do të pi faaare....pas janarit nuk mbaj përgjegjësi. Sepse, siç ka thënë edhe një gocë e zgjuar dikur: vera e papirë është një verë e shkuar dëm. J

 

 

Mendoj që 2018-a do jetë më e mbarë, duke qenë se po hyj në të me vetëdijen që gjysmat e gjërave për të cilat po betohem sot, nesër s’do i mbaj mend.

i.xh./ Politiko.al

Të fundit