Flash News

Dhunoi për vdekje Egli Progën, Apeli lë në burg Denis Meçen

Policia apel qytetarëve: Kujdes nga aplikacioni “PLINKO”, skemë mashtrimi

Qeveria bën gati kompleksin e kullave për administratën

SPAK nis hetimet ndaj oficeres së policisë, mori 1 mijë euro ryshfet për të pushuar një çështje penale

Hetimi i SPAK për identifikimin biometrik, Celibashi: Kam zero shqetësim

KRYESORE

Shtohet një gazetë e re/ Porosia e parë e drejtuesve të 'Fjalës' për gazetarët: Mos i bini Ramës dhe Veliajt

Politiko 18 Janar 2020, 18:04

Një gazetë e re i është shtuar sot tregut mediatik shqiptar: e përditshmja 'Fjala'. Me 24 faqe dhe me një çmim prej 50 lekësh, gazeta e re nuk duket se ka ndonjë ndryshim nga 'të vjetrat', as në faqosje dhe as në konceptim. E ndarë në rubrika, duke filluar nga Politika dhe duke u mbyllur me Sport dhe Argëtim, Fjala në editorialin hapës premton se do të jetë "e lirë, e vërtetë dhe profesionale".

Pavarësisht motos së bujshme, burime të Politiko.al brenda stafit të 'Fjalës' thonë se porosia e parë që kanë marrë nga drejtuesit është 'mos i bini Ramës dhe Veliajt". Të njëjtat burime thonë se 'Fjala' ka marrë thuajse të gjithe stafin e gazetës 'MAPO' e cila kohët e fundit pësoi një krizë në financa dhe pas një greve të gazetarëve nuk doli në tezgat e shtypit për disa ditë, duke e shtyrë karikaturistin Bujar Kapexhiu që të lajmëronte falimentimin e saj.

Përveç stafit, duket se 'Fjala' ka huazuar edhe konceptin e dizajnit të gazetës MAPO. Të paktën faqja e parë është copy/paste i MAPO së dikurshme nën pronësinë e Henri Çilit.

Pronar i gazetës 'Fjala' sipas burimeve të Politiko është biznesmeni i njohur si Beso i Tajvanit, Besnik Sulaj. Ky i fundit ka emëruar Erald Caushin si drejtor të së përditshmes.

Të fundit