“Si është të jesh vetëm”, Rita Ora e tregon këtë në këngën e saj të re

Vetëm para disa ditësh, Rita Ora ka publikuar këngën e saj më të re “How to be lonely”. Një këngë që është shumë e ndjerë dhe është pritur mirë nga fansat e këngëtares.

Mirëpo, fansat nuk e dinin që kur Rita ka bërë këtë këngë, ka qenë duke kaluar dhimbjet e një ndarje me të dashurin e saj.

Në një intervistë për NME, këngëtarja ka treguar:

“Jam në rregull me të qenit vetëm. Unë nuk kam një dëshirë gjej lumturinë përmes njerëzve të tjerë. Është diçka për të cilën njerëzit nuk flasin vërtet dhe thjesht më preku. Unë mendoj se është edhe një këngë për ndarje, sepse edhe unë po kaloja një ndarje. Për disa arsye njerëzit janë shumë të interesuar në jetën time personale, kështu që unë vetëm mendova, ‘Mund ta shfrytëzoj dhe të këndoj për këtë!”