Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Si u bë Saimir Tahiri 'Kapiteni' i Edi Ramës

Politiko 22 Tetor 2017, 14:15

Si u bë Saimir Tahiri 'Kapiteni' i Edi Ramës

Fitim Zekthi

Saimir Tahiri meriton të komplimentohet fuqimisht. Në raste skandalesh, si ky i ish-ministrit të Brendshëm përgjithësisht funksionon një rregull: Personi në qendër të skandalit hidhet në rrota, me fjalë popullore shitet, ai ofrohet si kurban, sakrifikohet në mënyrë që pushteti të vazhdojë, gjërat që janë bërë më parë të vazhdojnë të bëhen përsëri. Me këtë hedhje nën rrota, grupi (qoftë ai bandë, organizatë kriminale apo politike) dhe lidershipi i tij ruan pushtetin. Pikërisht kjo gjë në një farë mënyre rilegjitimon këtë pushtet. Në fakt, kur dolën përgjimet e policisë italiane dhe Tahiri ishte personazh i rëndësishëm në to, Kryeministri Edi Rama veproi sipas këtij rregulli konvencional. Ai tha se "ishte i neveritur dhe i shokuar nga ajo që dëgjoi". Të nesërmen ai tha se "brenda tyre kishte drurë të shtrembër". Pra, e hodhi në rrota.

Gjithë grupi i deputetëve të PS heshti duke pranuar në këtë mënyrë sakrifikimin, ose më mirë kurbanizimin që i bëri Rama. Më pas gjithçka u përmbys. Fillimisht, ministri i Brendshëm, Xhafa, tha se nuk ka prova për Tahirin. Më pas Rama, sikur të ishte njeri tjetër, tha se "po gatuhet vetëm një çorbë". Deputetët e PS në Këshillin e Mandateve nën drejtimin e Ruçit nisën luftën ndaj Prokurorisë dhe mbrojtjen frontale ndaj Tahirit.

Ç'ndodhi që rregulli konvencional u prish, ose më mirë, a u prish ky rregull konvencional i hedhjes nën rrota të viktimës? Ka gjasa që rregulli ka funksionuar. Grupi nuk drejtohet nga Rama, lidershipi i organizatës nuk është kryesia e PS dhe e qeverisë, por njerëz të tjerë që kontrollojnë PS-në dhe qeverinë dhe që urdhëruan mbrojtjen e Tahirit. Ata janë më të fuqishëm se Rama. Në këtë grup Rama është ose anëtar ose njësi shërbimi.

Rama, fillimisht, mendoi se kishte fuqinë ta kurbanizonte Tahirin duke e menduar veten lider të grupit. Por, grupi në kohë të ashpra udhëhiqet nga ata që kanë akses te dhuna dhe shantazhi, nga ata të cilët në një moment të kanë dhënë pushtetin politik. Tahiri vërtet meriton komplimenta sepse brenda grupit ka arritur të ketë pushtet për të mos u shndërruar thjesht në një vegël që hidhet kur nis dhe bën zhurmë apo shkakton avari.

Gjithsesi, grupi do të hedhë dikë nën rrota. Kjo nuk ka diskutim. Vetëm kështu ai (banda, organizata politike apo kriminale, çfarëdoqoftë) mund të bëjë të mundur vijimin e pushtetit të tij ose saj. Të shohim se cili do të hidhet nën rrota. Kjo mund të jetë një hedhje e qetë, e heshtur....

E gjitha kjo tregon se vendi nuk ka një qeveri sovrane.