Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sinan Idrizi hedh në gjyq Bashkinë e Vlorës: Më detyrohen 400 mijë euro

Politiko 30 Prill 2018, 13:27

Sinan Idrizi hedh në gjyq Bashkinë e Vlorës: Më detyrohen

Administratori i ekipit të Flamurtarit, Sinan Idrizi, i ka hapur gjyq bashkisë dhe kërkon 400 mijë euro për detyrimet e prapambetura që nga koha kur klubi administrohet nga bashkia.

Idrizi ka konfirmuar ditën e djeshme për “Panorama Sport” se javën që shkoi ka depozituar dosjen në gjykatë.

Veç të tjerash ai ka theksuar se nuk i intereson se kush janë ata që kanë firmosur në emër të bashkisë, por ka kërkuar që ti kthehen paratë mbrapsht.

“Bëhet fjalë për 400 mijë euro që ka paguar ky zotëria këtu. Kemi gjyq me bashkinë dhe me të tjerë që kanë firmosur në emrin e bashkisë. Se kush janë mua nuk më intereson. Lekët që kam paguar dua të më rikthehen”, është shprehur Idrizi.

Ai gjithashtu ka thënë se do ketë gjyq edhe për trajnerin Gjoka për ilegalitet, evasion fiskal, falsifikim dhe shmangie të detyrimeve shtetit.

“ Kemi gjyq edhe me trajnerin Gjoka për ilegalitet, evazion fiskal, shmangie të detyrimeve të shtetit dhe falsifikim. Nuk kam më komente në ‘Facebook’ unë për gjyqet. Komente ‘Facebooku’ me pula që kakarisin, me gjela që këndojnë, unë nuk kam. Unë jam te vendi tani, te gjyqi atje, çfarë kam depozituar, çfarë më është marrë nga Flamurtari që nuk duhet t’i paguaja unë, dua të më rikthehen pasi më mbaron në qershor kontrata e menaxhimit të klubit. Dua çfarë kam paguar”, vijon Sinan Idrizi.

Idrizi tha se Këshilli Bashkiak para tre vitesh miratoi 200 milionë lekë për borxhet, por prej tyre i kanë kaluar në arkën e klubit vetëm 28 milionë lekë.

“Unë nuk i njoh me emra fare këta, por di që nga llogaritë e mia kam paguar maqedonasin Bajevski, që nuk e njoh, Gjokën që nuk e di se çfarë kontrate ka bërë me ata të tjerët. Deri tani prita. Mua më ka kthyer vetë 28 milionë lekë bashkia nga këto që kam paguar unë. Para tre vitesh, Këshilli Bashkiak ka marrë vendim të ktheheshin 200 milionë lekë për borxhet e papaguara të Flamurtarit. Është puna e tij, djersa dhe mundi i tij, unë nuk e di si e ka pasur kontratën me të tjerët. E mbani mend kohën, ju që shkruanit në gazetë me germa të mëdha që po ikin lojtarët, nuk kanë lekë të paguajnë qiratë, nuk kanë bukë, etj, e mbani mend që thatë para tre vitesh? Mua më ishin bllokuar llogaritë nga Nini dhe nga një hotel. Më ishin bllokuar nga borxhet që nuk paguante ai burri, ky burri i “Facebook”-ut. Unë tani do vërtetoj në gjykatë se kush dërdëllis. Kanë shkruar që dërdëllit dhe mashtron Idrizi. Tani do vemi në gjykatë. Unë nuk kam qejf të çoj njerëzit në gjyq, unë kam pritur”, ka thënë administrator i Flamurtarit.

Ai ka thënë mashtron dhe dërdëllis Idrizi. Edhe konton e atyre e pagova unë në kohën që kërkonin të falimentonin Flamurtarin këta. Hajdeni në gjyq të shikojmë kush dërdëllit dhe kush mashtron. Tani është kohë gjyqi nuk kemi çfarë bëjmë. Tani do të njoftohen zotërinjtë në adresën e shtëpive që kanë, besoj jam i sigurt që kanë adresa shtëpie. Gjyqin e parë e kam me Bashkinë dhe Këshillin Bashkiak. Se çfarë njohin apo çfarë nuk njohin këta është problem tjetër”, u shpreh administratori.