Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sindikatat: Rama në Dibër braktisi minatorët, gati protestat

Politiko 12 Nëntor 2017, 20:44

Sindikatat: Rama në Dibër braktisi minatorët, gati protestat

“Kjo qeveri nuk e ka pritoritet të saj miratimin e statusit të minatorit, teksa kryeministri, Edi Rama, e vërtetoi këtë gjatë mbledhjes së qeverisë në Dibër ku nuk tha asnjë fjalë për statusin e profesioneve të vështira, ndaj të bëhet gati për tu përballur me protesta masive”.

Qëndrimi është mbajtur nga Kreu i Konfederatës së Sindikatave, Kol Nikollaj, i cili e konsideron absurd faktin që kryeministri, Edi Rama, gjatë viztës së tij në qarkun e Dibrës nuk foli asnjë fjalë për statusin e minatorëve.

Kol Nikollaj shtoi se pas Rrugës së Arbrit, miratimi i statusit të minatorit është shqetësimi më i madh i banorëve të qarkut të Dibrës, vecanërisht atyrë të Bulqizës dhe Martaneshit.

Fakti që Rama e anashkaloi këtë pjesë pikërisht në Dibër e Bulqizë ku është graviteti i minierave sipas kryesindikalistit Nikollaj tregon se kërkesat e minatorëve dhe ankesat e tyre nuk po merren për bazë nga kjo qeveri.

Kol Nikollaj ndër të tjera pohoi se Konfederata e Sindikatave ka nisur përgatitjet në terren për organizinimin e një proteste përballë Ministrisë së Financavë dhe Ekonomisë, e cila nuk zbaton urdhërin e përbashkët të 3 ministrive për ngritjen e grupit të përbashkët për trajtimin e çështjeve lidhur me projektligjin për statusin e minatorit.

“ Jemi të habitur që Rama gjatë vizitës së tij në dibër nuk tha asnjë fjalë për statusin e Minatorit, kur dihet që të gjithë në Diber prisnin një reagim të kreut të qeverisë për këtë problem, që është shqetësimi kryesorë i banorëvë të qarkut të Dibrës, pas Rrugës së Arbirit. Jemi shumë të shqetësuar për këtë situatë dhë këtë indiferentizëm për këtë çështje kaq të ndjeshme. Kryeministrit i bëj thirrje të shikojë me prioritet këtë çështje e mos ti shmanget përgjegjësive, teksa e njoftoj që kemi nisur përgatitjet për protestat përballë Ministrisë së Financave dhe Ekonomisë”

Kreu i Konfederatës së Sindikatave, Kol Nikollaj, përfitoi nga rasti ti bënte apel Lëvizjes Socialiste për Integrim të mos e përdorë statusin e minatorit për përfitime meskine politike.

“ Është e habitshme se si LSI po e përdor politikisht statusin e minatorit. Dua të kujtoj se kjo forcë politike ishte tetë vite në pushtet dhe nuk u kujtua për këtë çështje. Dua t’ ju kujtoj se kur Konfederata e Sindikatave organizonte protestë për statusin e minatorit përpara Ministrisë se Energjitikës, ministri që vinte nga radhët e LSI, kalonte nga tunelet nëntokësore të Enverit për të shkuar në parlament, për t’ju shmangur përballjes me protestuesit.

Nikollaj shtoi se qeveria po lë pas dore dhe kërkesat e Sindikatës për pagat minimale dhe kontratat kolektive.

Ndër të tjera Kreu i Konfederatës së Sindikatave dënoi gjuhën e ashpër të kryeministrit, Edi Rama, karshi medias, e cila sipas tij po kryen vetëm misionin e saj fisnik.

Nikollaj i kujtoi, Edi Ramës, se nuk duhet të jetë vetëm konstatues i problemeve të medias, sindikatës dhe shoqërisë në përgjithësi, por duhet jetë personi që shqiptarët kanë votuar për ti menaxhuar dhe zgjidhur këto probleme.