Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Sindroma kineze

Politiko 27 Prill 2020, 15:43

Virgilius

Qendra Digjitale Forensike në Mal të Zi (DFC), një projekt i Atlantic Council në këtë vend, raportonte se nga data 9 mars deri më 9 prill nga Serbia janë nisur 30.000 twitter keyword i të cilëve janë Kinë dhe Serbi. Mëse 72 % e kanë zanafillën nga profile të rreme. Dje DFC njoftonte se site i tyre gjatë ditës u hakerua për një periudhë relativisht të shkurtër. Milan Jovanoviç i DFC-së bëri të ditur se në të njëjtën kohë edhe site i Atlantic Council u sulmua nga hacker-at. “E gjithë kjo ndodhi jo shumë kohë mbasi Sputnik (Portal rus lajmesh dy gjuhësh: rusisht e serbisht) publikoi analizën tonë. Tanimë kjo gjë u zgjidh, site-t tona janë sërish aktiv, nuk kemi humbur të dhëna dhe do të na duhet të përcaktojmë origjinën e sulmit”, tha Jovanoviç.

Para pak kohësh Twitter bëri të ditur se kishte fshirë 8558 profile të rremë synimi i vetëm i të cilëve ishte promovimi i presidentit serb Aleksandar Vuçiç dhe i partisë së tij SNS. Analiza e kryer nga DFC tregon se rrjeti bot është ende aktiv në Serbi, por këtë herë objektivi i tij është promovimi i ndihmës kineze në këtë vend lidhur me epideminë e koronavirusit. Sipas analizës së DFC-së tweet-et mund të ndahen në tri kategori, nisur nga narrativa që përdorin: 1) promovimi i miqësisë Kino-Serbe dhe ngritja lart e rolit të Kinës; 2) promovimi i figurës së presidentit të Serbisë dhe i qeverisë serbe për hapat e hedhur; 3) mungesa e asistencës nga BE-ja.

Analiza e përmbajtjes së twitte-ve tregon se detyra kryesore e këtij rrjeti të gjerë profilesh është të glorifikojë miqësinë serbo-kineze dhe rëndësinë e ndihmës së dhënë nga Kina përgjatë pandemisë. Nga ana tjetër nuk mungon as përmbajtja me kritika ndaj BE-së dhe mungesës së asistencës prej saj. Analiza e profileve të llogarive të rreme tregon se ato kishin 186.584 ndjekës, me një mesatare prej 166 ndjekësish për çdo profil. Nga një numër prej 21.572 postimesh prej profileve të rremë, 18.422 ose 85.4 % ishin retweet-e, çka përbën një tjetër karakteristikë të llogarive dhe të rrjeteve. Kjo gjë tregon se objektivi në fakt është që të rritet aksesi te përmbajtja ekzistuese dhe që të mos krijohet përmbajtje e re, origjinale. Duke e përgjithësuar mund të thuhet se profilet ishin vazhdimisht të angazhuar në mbështetjen e politikës së Vuçiçit dhe të qeverisë serbe e asaj kineze – përms retweet-ve, si dhe duke iu përgjigjur me mesazhe pozitive përmbajtjes që lidhej me temat e mësipërme.

“Është thënë se Kina ka qenë në pozitë të vështirë, por ajo ia doli me sukses t’i kapërcejë ato, ndaj Kina është e vetëdijshme për vështirësitë me të cilat po përballet Serbia. Mirënjohje për miqësinë e sinqertë shprehet përmes tweet-ve dhe fokusi është mbi përpjekjet e dy vendeve vëllezër që së bashku do ta mposhtin epideminë”.

Më tej theksohet se Vuçiçi e ka fuqizuar rolin dhe pozitën e Serbisë në botë falë politikave të tij. Pikërisht për këtë gjë Kina dhe Rusia po e ndihmojnë. Po kështu thuhet se anëtarë të qeverisë kineze u befasuan të mrekulluar prej masave konkrete të marra nga qeveria serbe për të ndaluar përhapjen e sëmundjes infektive.

Një tjetër aktivitet i vëzhguar nga studimi i DFC-së është edhe promovimi i përmbajtjes që vjen nga adresa të ndryshme që janë pranë autoriteteve të pushtetit aktual në Serbi. Kështu profili në Instagram i Vuçiçit, site i tij zyrtar, ashtu si dhe tabloidët e njohur për qëndrimet e tyre pro qeveritare si Informer, Kurir dhe TV Pink janë ndër burimet e jashtme më të përmendura dhe të cilave iu referohen më shpesh bot-et. Sipas DFC-së: “Pas analizës së të dhënave nga 30.000 llogari të lidhura me Kinën dhe ndihmën e saj për Serbinë gjatë muajit të fundit shihet qartë aktiviteti i vazhdueshëm i llogarive bot në Serbi, ashtu siç u zbulua edhe nga kompania Twitter. Fushata të këtilla intensifikohen sa herë kur në vend pritet të zhvillohen ngjarje të rëndësishme, siç janë zgjedhjet të planifikuara të mbahen brenda vitit në Serbi, pas shtyrjes së datës së paracaktuar për t’u mbajtur në prill”.

Vëzhgimi i modeleve të analizuar dëshmon shkallën e fokusimit në këtë operacion ndaj personave të caktuar ose vendeve të caktuara, me fjalë të tjera Vuçiç, Kina, por edhe burimet mediatike qeveritare ose pranë qeverisë. Profilet @avucic, @AmbChenBo (ambasadorja kineze në Serbi) dhe @anabrnabic sipas një përllogaritjeje përmenden në 11.346.460 poste. Kjo gjë vlen edhe për pompimin e hashtageve të tilla si: #vucic, #brzejacebolje, #celicnoprijateljstvo etj.