‘Situatë dramatike’/ Opozita i përgjigjet ftesës së Metës për takim

Opozita i është përgjigjur ftesës së Presidentit Ilir Meta për të diskutuar në lidhje me ngërçin e krijuar për ngritjen e Gjykatës Kushtetuese, Reformës në Drejtësi dhe situatës aktuale politike.

Top Channel raporton se të martën Presidenti do të takohet në orën 09:00 krerët e partive jashtë parlamentare.

Më herët Presidenti Meta u dërgoi një shkresë të gjithë kryetarëve të partive që braktisën Kuvendin, për të diskutuar lidhur me situatën e rëndë politike në vend.

Në shkresë theksohej se për shkak të situatës dramatike në vend, takimi duhet të zhvillohet përpara datës 20 nëntor.